*

upload_article_image

唐诗咏贴中三时旧相 王浩信留言搞笑

网友大赞她:“由细靓到大!”

唐诗咏跟大队近日宅在家冇乜嘢做,执居成为打发时间最佳方法。呢日她就翻出旧相,贴出中三时同朋友去沙滩玩留影,并留言:“翻开旧照片发现中三的我 然后 影咗15分钟都系好朦 最后发现原来张相用咗磨砂过胶 究竟边个发明磨砂过胶咁聪明 佢就好比今日嘅美图秀秀 系咪因为咁 个人立刻白雪雪咗呢”相中见到她着住牛仔衫裤加上一头清爽短发,虽然打扮相当男仔头,但清纯靓样已经现雏形。网友亦大赞她:“由细靓到大!”

磨砂过胶,搞到张相睇得唔多清楚。

唐诗咏中三时,已相当清丽。

不过最惊喜是好拍档王浩信亦有留言:“Saving哥当年喺ICQ约咗佢但系最后冇出现嘅𠮶个人......不懂撒娇的女人之 番外篇”之后唐诗咏再回应:“佢挂住上网打机,有出到去”即时搞到网友好兴奋,纷纷叫他们快啲开拍续集,其实继《不懂撒娇的女人》后,两人早前已再合作过《解决师》,一样好受欢迎,相信再合作应该一样有捧场客。

王浩信以“《不懂撒娇的女人》番外篇”来回应,而唐诗咏不久亦有回复。

17年唐诗咏和王浩信合作《不懂撒娇的女人》相当受欢迎。

唐诗咏贴中三相后,王浩信好快就留言回应。