*

upload_article_image

卫诗雅愿减片酬 陈家乐望多拍喜剧令人开心

为影坛出力!

对于英皇电影与天下一电影制作有限公司宣布携手合作,双方将于两年内合作制作及发行共十部香港电影,英皇旗下艺人卫诗雅、周家怡、李靖筠、杨天宇、陈家乐和天下一艺人姜皓文均叫好。

卫诗雅拍戏不会顾形象。

卫诗雅:“好开心有呢个,因为我觉得两间公司合作首先会有唔一样嘅火花,二嚟就系如果开十套咁多,我觉得无论对演员或者电影工作人员都系一个好好嘅消息,因为起码有工开。确实喺呢几个月,好多电影都停晒,大家都好担忧,所以好支持呢个计划。当然如果减片酬可以帮到,绝对系愿意减片酬啦,同埋依家积极会揾多啲好剧本,拎返公司,睇下公司有无兴趣,绝对支持。”

周家怡想拍艺术性质电影。

周家怡:“知道呢个消息当然系好开心,好支持,好开心知道佢哋有呢个行动,咁希望快啲多啲人可以开工啦!同埋希望可以拍多啲唔同题材嘅戏,除咗商业片之外亦都会拍一些艺术性质的戏,透过电影故事带出信息畀观众。”

李靖筠虽然新,但不乏机会,还有陈家乐带住。

李靖筠:“当然好开心可以同唔同嘅公司合作,希望擦出新嘅火花。至于想拍啲咩戏?我仲系一个好Green嘅演员,所以我唔想咁快去规限自己,咩种类嘅戏都好想做。”

杨天宇望两间公司演员因合作有更多交流。

杨天宇:“因自已性格较外向,阳光青春及搏击类的,较刺激的题材都会是希望拍到的题材,其实天下一亦有同自已年龄相近的演员,希望借此机会可以交流交流。我觉得今次英皇同天下一的合作对香港业界有一定帮助,不论系台前或幕后。同时亦可以满足到观众嘅欲望,因为无论系咩时候我相信观众睇电影嘅欲望都唔会减低。”

陈家乐和卫诗雅都开心及支持公司跟天下一合作拍戏。

陈家乐:“咁当然系好事啦,两间公司联手创作十套港产片去帮返香港市场,咁系非常之好嘅,系呢个时势好多台前幕后工作人员,都的确系有好大嘅影响,咁我都有幕后嘅朋友,呢段时间都变咗要转行,要做其他唔同嘅工种,其实人才流失系真系会㗎,依家有呢十套电影,希望可以帮返多啲人去做香港电影,去保持产量同质素。我希望嚟紧可以拍多啲喜剧,因为喜剧可以令人开心啲,依家香港都需要一啲好开心嘅能量,希望可以透过电影畀到开心嘅气氛香港人。”

姜皓文撑影圈团结。

姜皓文:“绝对支持,义不容辞!需要到我帮忙,乜都冇所谓唔使讲嘢!电影圈就系咁团结!”