*

upload_article_image

扬威海外影展首封后 温碧霞失望金像奖无提名

可惜啊!

Irene跟初次合作的关智斌,亦有不少亲热场面。

温碧霞(Irene)早前凭电影《堕落花》,首度夺得“爱尔兰第8届丝绸之路国际电影节—最佳女主角”,她坦承获得国际的肯定是个很大鼓励,不过对于电影未能获得“香港电影金像奖”提名感到失望。谈到戏中跟陈汉娜的咀戏,Irene直言起初确实尴尬,但好快投入角色,她更大赞陈汉娜表现专业,有自己年轻时的影子。

Irene认为今次“傅余雨 ”一角有好大突破,“今次演一个毒针,仲要有毒瘾,同我演开角色有好大反差。”

今次电影Irene跟新班底合作,好似导演李卓斌及幕后团队,她感觉他们对电影好有火好有心。至於戏中演她妹妹,跟她有不少对手戏的陈汉娜,她更加有赞冇弹,“见到佢会谂起我细个,我细个系比较文静同埋唔系好出声,但系又好知道自己做乜,同埋系好有信心嘅女仔,见到佢时有好多感觉好似我细个嘅时候,我同佢演戏好有feel,都系好nature,出嚟感觉两个唔似做紧戏,你觉得佢哋生活紧。”虽然跟陈汉娜好夹,但初次跟女对手拍咀戏,Irene都觉尴尬,“我都好尴尬,我都系第一次同女仔锡,其实开头拍大家都有啲尴尬忍唔住笑,但系好快投入咗,出嚟感觉好自然。”

 

戏中跟陈汉娜的咀戏, Irene自爆开头两人都忍不住尴尬而笑。

 电影除了令Irene首度封影后,还入围5个海外影展,可惜在香港成绩未见突出,在香港电影金像奖惨交白卷,Irene也感不值,“金像奖系有啲失望,因为事实上呢部戏好多人睇完都有好好口碑,外国嘅影展都得到一啲成绩,譬如攞咗个最佳女主角,𠮶日我听到呢个消息,我真系好开心,因为爱尔兰呢个影展,我嘅对手系好多国际电影,我哋系唯一一部入围嘅香港电影,仲要得到女主角,𠮶个成功感更大,人哋唔会因为俾面你系边个,人哋纯粹睇部戏,发觉呢个角色好睇做得最好,我𠮶种满足感系好大,会好surprise,亦系一个好大好大嘅鼓励。但唔紧要啦,我会继续努力嘅,而事实上最紧要系啲口碑,同埋依家已经入咗咁多个影展,好戥成队team开心。”封后后,Irene坦承令自己信心大增,“不嬲我自己做嘢都好有信心,但攞完奖我觉得对自己更加有要求,更加要拍更多好嘅戏。”

Irene认为获封影后要更加努力,拍好每一部电影。