*

upload_article_image

谭玉瑛最爱与靓仔合作 大赞小鲜肉黄庭锋

“去到边度拍嘢,人哋未知佢乜名,都只系话:‘乜你咁靓仔嘅?’”

TVB饮食节目《香港原味道》播到第四辑,今辑由谭玉瑛伙拍“小鲜肉”黄庭锋、孔德贤及林正峰做主持。其中黄庭锋跟足阿谭两年,做足四辑成为“铁脚”,点解有得留低呢?谭玉瑛即说:“因为佢靓仔囉,去到边度拍嘢,人哋未知佢乜名,都只系话:‘乜你咁靓仔嘅?’”搞到在旁嘅庭锋面都红埋。

庭锋被安排落田耕种体验农夫生活。

阿谭最钟意同靓仔合作,所以绕住黄庭锋手臂唔放。两人边做节目边食好嘢。

31岁嘅黄庭锋(Telford)入行前曾经喺国际学校教体育,就算做咗艺人都继续修读中文大学嘅体育文学硕士课程。谭玉瑛对黄庭锋赞不绝口:“佢除咗好靓仔,仲好亲切,有晒《香港原味道》需要嘅嘢。我最钟意同靓人合作,咁会开心啲,加上佢又做到嘢。”黄庭锋就卖口乖:“重点系我由第一辑开始跟边个学嘢呀?咪系由细睇到大嘅谭玉瑛姐姐囉。”问到黄庭锋跟李家鼎,阿谭最Like边个?她笑说:“同鼎爷合作好唔同,佢要show quali,我就好似学生咁不断学嘢,学到嘅嘢可以放喺《香港原味道》施展吓。”

林正锋、谭玉瑛、黄庭锋、孔德贤是第四辑节目主持。

黄庭锋同何广沛及李佳芯合作拍过电视剧《爱美丽狂想曲》。

第一次耕种

黄庭锋就指谭玉瑛姐姐对食嘢好有热情:“每次拍嘢佢会入去厨房睇晒所有嘢,每样嘢都想参与,虽然佢喺呢行咁耐,但热诚冇减退。”阿谭反问:“唔系话我为食呀?”《香港原味道》不停添食到第四辑,阿谭表示因为好多上咗年纪嘅观众想揾返回忆及味道,而今辑最大变化系加入后生仔研发嘅本地食物。庭锋仲畀导演安排去耕种两亩田,一手一脚翻土、疏苗、搭棚、播种等,他形容攰到不得了,但系一个新体会。

两年前拍第一辑,黄庭锋跟谭玉瑛及吴幸美学嘢。

黄庭锋曾经喺台庆颁奖礼中提名角逐“男配”及“飞跃”奖。