*

upload_article_image

疫情留家新婚生活不觉闷 谭凯琪与老公玩角色扮演

新婚的甜蜜情趣!

2月宣布下嫁商人庄日宇(Enrico)的谭凯琪(Zoie),最近先后有两套剧《降魔的2.0》及《飞虎之雷霆极战》推出。她笑言《降魔的2.0》角色有趣在要做醉娃,原来拍摄时都有咨询老公意见。讲到升做人妻,她坦言仍在适应中,至于生B就会顺其自然,她又自爆因疫情经常留家跟老公玩煮饭仔,还会哼住歌煮𩠌,有时更会玩吓角色扮演,虽然她自称好无聊,但这正正是新婚甜蜜情趣啦!

Zoie坦言仍在适应新婚生活,但幸好跟老公相处得好开心。

Zoie跟老公庄日宇(Enrico)本打算到外地举行婚礼,因疫情改为2月在港举行简单仪式。

谭凯琪疫情下被迫跟老公留在家,唯有玩玩角色扮演解闷。

Zoie在《降魔的2.0》角色有趣在经常扮醉,但原来她近年对酒精敏感,没法饮得酒,所以她是凭记忆和观察朋友来扮醉酒戏,她亦有问老公意见,“我𠮶时都问老公好唔好饮啲酒嚟演呢?但系佢叫我千祈唔好,佢知道我饮咗酒唔知我自己做乜。(惊你断片?)系呀!惊我拍唔到,所以我就打消咗呢个念头。”

Zoie在《降魔的2.0》饰演“海魔”,造型相当特别。

剧中Zoie要经常扮饮醉酒,原来现实中她对酒精有敏感已很少饮酒。

Zoie在《飞虎之雷霆极战》中饰演社团大家姐“姜姐”。

生B顺其自然

讲到新婚生活,Zoie笑言仍在适应人妻身份,至于生B计划,她坦言在计划当中,“但几时真系要问个天啦!依家系顺其自然嘅,老公都钟意小朋友,我谂生一个先,惊凑唔掂呀!”Zoie坦言在疫情下,跟老公多了时间,直言都是一个考验,“一起身第一个就系见到佢,临瞓前隔离𠮶个又系佢,变咗大家相处时间会多咗,都OK嘅,几sweet嘅,有时我煮吓嘢食嘅时候哼吓歌,佢又会接住哼番,好似大家一齐唱紧歌咁。”除了煮饭仔时一唱一和,Zoie仲自爆跟老公平日宅在家的无聊玩意,“多咗啲情趣,会做啲无聊嘢,我觉得两个人相处,最舒服唔使刻意去谂去边度玩,或者做啲咩刺激嘅嘢,其实两个人喺屋企,好似唱卡啦OK咁你一句我一句又得,我又会同佢角色扮演,佢会模仿我啲屋企人,我又会模仿吓佢啲屋企人,‘你估我依家又变咗边个’即系呢啲,会揾一啲人嘅特质去模仿,演绎完之后畀对方估。”