*

upload_article_image

跟许冠杰合作7年如糖黐豆 黎彼得:佢太太唔想我出现

两个真系好合拍

著名鬼马填词人黎彼得的作品脍炙人口,最近因许冠杰(Sam)的慈善演出再受关注,他受访电台节目《旧日的足迹》,分享与Sam合作的恩怨情“愁”和自己的女人缘。

黎彼得直认与Sam断交十多年,也没机会再合作,但仍感谢恩师。

黎彼得向来我行我素,最开心是16岁为自己改了个新名字,从此改了运:“我小学五年班辍学,喺街边帮阿妈卖报纸,日日坐喺度睇武侠小说。当年入咗一间印度行做工后,啲人知我冇英文名帮我改做Peter,从此我叫黎彼得,唔再叫黎成就,果然条命就冇咁苦!”年轻时的黎彼得钟意听偶像许冠杰的歌,尤其喜欢《天才白痴梦》写人生如梦、世事如棋的道理。“估唔到佢(Sam)喺《年青人周报》见到我写专栏就话要识我,因为当时Sam为《半斤八両》填词,有句‘够姜就揸枪走去抢’出现问题,佢发觉一个人写词唔足够,要揾个拍档,可能佢欣赏我古灵精怪嘅脑袋。”

黎彼得直认与Sam断交十多年,也没机会再合作,但仍感谢恩师。

黎彼得忆述:“我帮佢执翻(歌词),加咗‘滚水渌猪肠、湿水炮仗点会响’,又几得意,不过佢话𠮶首歌就唔可以出我个名,我话冇问题,其他歌佢都有出我个名。点知我哋一合作就好似炸弹咁劲,好轰动!电影《半斤八両》12首歌首首都跑出,内容包括有打麻雀、玩show hand,Sam即时好入世,大家好接受。其实我哋付出好大,晚晚通宵倾偈度桥,我哋嘅相处就好似‘乞儿与王子’,佢咁红都当我老友约我去游水、钓鱼......大家好合拍!Sam本来唔烟唔酒,但识咗我之后,开始同我一齐食雪茄饮香槟,享受吓!佢教晓我好多,又介绍我去电视台做编剧,佢系我恩师,我哋擦出火花,不分你我!”

黎彼得受访车淑梅电台节目。

黎彼得又感概二人关系的变化:“后来经过7年合作,因为舆论,我哋开始有唔夹,其实我冇介意(填词人)排名嘅先后,难得佢畀我出我个名,不过其实唔出都得㗎......佢提意不如分开一下,呢次并非一厢情愿(其实大家都有同感),因为(我哋)开始冇话题,冇偈倾,佢太太亦都唔想我出现,因为晚晚同个男人一齐喺屋企通顶,有阵Sam都话,我老婆又投诉今晚又同你一齐......分开咗之后我自觉多咗存在价值,唔再依赖别人,唔需要人哋关照。我封笔几年后,黎小田就叫我出山写《Monica》嘅词。”

问及和Sam合作的7年是否其人生中的高位?黎彼得回应:“有人说我功高过主,讲真功未高过,亦都冇盖过主,Sam好早已经系超级巨星!”再追问二人还有否机会再合作?黎彼得直言没有了:“大家已经系长者,唔好玩啦!过去就系过去,无谓再依恋......分咗手之后已经几十年冇见冇通电话,最近Sam演出我哋都冇再联络......但系我希望佢健健康康,唔好再挂心𠮶啲筷子有冇人食过、𠮶啲床品系咪有好多尘螨,继续好似当年我拉佢去油麻地庙街食炒蚬,抱着大无畏精神,食完肚疴,疴完再食!最难忘喺𠮶度见到铁丝网上由写信佬写上两句‘命里有时终须有,命里无时莫强求’,之后更成为 《浪子心声》嘅歌词红足几十年。我希望佢(Sam)继续做个开心人,因为我多谢佢upgrade咗我,佢系我恩师!”

黎彼得直认与Sam断交十多年,也没机会再合作,但仍感谢恩师。

黎彼得虽然在幕前经常饰演一些猥琐的小人物,但自言好有女人缘,皆因他是绝缘体,例如他可以拖住梅艳芳的手,听阿梅谈得不到的爱情,被男人辜负的故事;摸著佘诗曼的手拍《洗冤录》;拍摄《笑八仙》曾在关之琳的心口写毛笔字。“靓女放心就系知道我冇歪念,我与有荣焉,又例如拍《富贵吉祥》导演要我性骚扰张曼玉,佢话唔使揾其他女士替佢嘅手,佢话系演员道德,其实佢哋知我嘅所作所为就系正人君子。仲有当年翁美玲事件,吴君如不断被追访,佢为咗避记者,就嚟我屋企瞓咗成个礼拜,因为大家都住北角,佢又知我系绝缘体,我真系有心无力,亦都唔会情不自禁。”