*

upload_article_image

有富商老窦及3亿阔少男友 好胜胡美贻宁靠34E火辣身材发围

果然是新咪神!

2017年参选港姐时,胡美贻(Nicole)虽然大热倒灶,但凭于J2节目《3日2夜》大晒34E火辣身材,获网民封为“新一代咪神”!不过见阿女抛头露面劲性感,在美从商的富爸爸似乎唔多Like,仲“咒”她早日破产执包袱返美国,但好胜的Nicole表示会努力揾钱,继续追演员梦,更扬言:“我冇乜底线。(可拍牀戏?)唔系真嘅、有打底保护就得!”

Nicole直言父亲至今都唔太支持她做艺人。

Nicole幸有富贵男友Reeve支持,还不时化身“影迷”畀意见。

胡美贻4年前获父亲打本100万做生意,然后她在马来西亚买下30亩的榴莲地,并于香港开舖卖榴莲甜品。年仅26岁的 Nicole目前已有3间分店揸手,生意做得有声有色,无奈年初爆发疫情致收入大减,加上幕前工作停足4、5个月,担心到她经期乱晒!

Nicole上月中认“封盘”,恋上现年28岁从事餐饮、金融及外国地产生意的Reeve(前左)。据悉,男方家族最近以3.3亿出售持货70年的旺角单幢物业,家境富裕,私下Reeve亦跟王灏儿及男友Tarzan相熟。

前落选港姐Nicole凭于J2节目《3日2夜》大晒34E火辣身材,获网民封为“新一代咪神”!

不过有富爸爸撑使乜怕?Nicole即谦称并非“有钱女”,自己搣紧储落的钱,又谓16岁在美国读书时已半工读,一切娱乐消遣都是使自己钱,她说:“基本生活要Maintain,奢侈品就梗系自己揾啦,无理由摊大手板问人攞。”

好耐冇出埠的Nicole盼能拍《3日2夜》,仲想去杜拜的跑车场体验揸快车。

事业心重的Nicole自言冇乜底线,更不介意拍肉搏戏,大前题是三点不露。

老窦睇死

提到3年前不理父亲反对回港参选,Nicole无奈表示至今仍不获对方支持入行,“以爸爸角度睇就唔想个女咁样,佢有佢嘅担心都正常,我只会话畀佢知我会安全同做自己开心嘅嘢。(有畀限期你发明星梦?)佢话‘睇你几时破产’,哈哈!(佢觉得)我冇钱就会返去揾佢,所以冇话几耐,我都会努力揾钱。”

Nicole表示会努力揾钱,继续追演员梦。

Nicole早前跟36E陈婉衡在节目《3日2夜》中大斗性感。

记者笑指嫁入豪门便不怕破产,跟3亿阔少Reeve拍拖大半年的Nicole称未到谈婚论嫁阶段,又自言事业心重,先专注工作,“希望饮食生意同幕前工作可以平衡到,但重心一定会喺演艺方面,始终好多嘢要学,都想吸收多啲经验,演戏系我嘅兴趣。”

Nicole为剧集《法证先锋IV》拍胶袋笠头戏,仲扮死尸被解剖。

Nicole经营的榴莲甜品舖在港有3间分店。

事业心重

富家女Nicole亦唔系玩玩吓,好似早前为剧集《法证先锋IV》拍胶袋笠头戏,仲焗到面青,“每次接到任何角色,我唔会话一嚟想Show到咩畀人睇,但一定要过到自己𠮶关,因为平时都钟意睇戏,而家就有机会畀自己发挥。”

Nicole于剧集《解决师》扮演学生妹,好pure好true。

2017年,Nicole与当届港姐冠军雷庄(左)。

有传公司撤回“限奶令”,重新包装《3日2夜》于明年再出击,虽未收到通知,但Nicole好期待能参演,最想去杜拜,问男友可介意性感演出?她忍唔住笑:“男仔唔多唔少会呷醋,如果佢完全唔嬲你都惊啦,但要睇咩情况,会沟通嘅,《3日2夜》𠮶啲就冇乜所谓,健康嘛。(佢有底线?)冇,但我平时出街(啲衫领)都着到颈位。(听晒男友话?)一时时,我都有原则,自己好想做嘅嘢一定会坚持。”