*

upload_article_image

喺老公眼中全世界最靓 黄天颐赞C君把口甜死人

C君够浪漫!

去年尾升呢人妻的天颐透露家中大厨是老公C君,自己就负责做家务。

“C君嫂”黄天颐近日于ViuTV节目《索女人妻ichi烹》中,跟34C索女乐宜比拼厨艺,说到对手来势“胸胸”,天颐也笑称有少少压力,但会继续行亲民贴地路线,还大方容许老公C君(郑诗君)望靓女,她笑言:“有时都会同佢讲‘呢个女仔几靓’,但佢好醒答我‘吓!边度靓呀?’仲成日赞我。”把口真甜!

天颐自爆经常获C君赞叻,口甜舌滑。

天颐好庆幸老公C君私下都好多嘢讲又会搞吓笑。

去年尾黄天颐下嫁拍拖4年的C君,以为升呢人妻后厨艺会大跃进,殊不知家中大厨原来是C君,“我本身唔太煮嘢食,系佢煮多,我负责洗碗,佢会煮家常便饭,例如鸡翼、蒸蛋、肉饼,好少煮西餐。”故今次在节目中挑战煮西餐,连充当“白老鼠”的C君都无资格批评,不过讲讲吓,天颐就忍唔住爆老公超强○氹女技能,“佢好识交戏,譬如我煮到一半未成形,佢就行过赞:‘几好㖞,似模似样,好叻呀你!’畀信心我,识咗咁耐佢都冇弹过我。”并谓婚前也问过对方可介意自己不懂下厨,略懂术数的C君竟答:“从来冇Expect你会煮嘢食,你都唔适合煮嘢,因为忌火。”

见乐宜(左二)身材Fit到漏,被分入“人妻组”的天颐都表示心服口服。

天颐甚少下厨,但她自称好有厨艺天分。

天颐首次炮制台式卤肉饭,获老公赞有台湾便利店水准。

天颐多次于节目中胜出,厨艺明显大跃进。

有个“廿四孝老公”真幸福,天颐却反驳:“我都有做家务㗎!幸福唔系佢识做几多嘢,系佢唔嫌弃我唔识做几多嘢。(自觉幸福人妻?)暂时系嘅,始终都系结咗婚半年,生活上冇太大改变。”至于造人大计,虽然已作身体检查,下一代遗传严重地中海贫血的机会不大,但天颐仍没有胆量生B,“暂时冇生B打算,我觉得生BB比结婚更大诺,而家成个社会环境都唔系好稳定,唔知将来会点,我觉得我哋未有十足信心会照顾得佢好好或畀到佢一个适合嘅环境。(索性唔生?)冇咁决绝,而家言之过早。”