*

upload_article_image

《杀手》黎耀祥龚嘉欣狂打无替身 监制保证唔删李佳芯戏份

监制和编审都赞三位演员做得好!

监制陈维冠(右)率编审冼少玲(左)及蔡婷婷(中)讲解剧中角色,大赞黎耀祥龚嘉欣狂打无替身。

由黎耀祥(祥仔)与陈豪两大视帝主演、陈维冠监制的无线新剧《杀手》已启播, 56岁的祥仔在首集经已相当瞩目,除由头打到尾,还有不少火辣辣场口;至于傻气的贪钱单亲妈妈“钱向茜”李佳芯和铲青“癫癫哋”的“NaNa”龚嘉欣都跟平日戏路反差好大,剧中好有发挥。陈维冠还保证,李佳芯是女主角,戏份没变过。

剧中56歳的祥哥要狂打,佢话攞佢老命!

首集黎耀祥同辣妹有埋身肉搏场口,揽啜兼扫腿,连祥嫂都话冇眼睇。

祥哥为套剧操Fit,老婆好想佢Keep耐啲!

虽然黎耀祥已变TVB部头艺员,但他依然落力,剧中有不少丧跑同狂打场口,第一集还有得揽啜低胸辣妹兼且头压女方胸口!陈监制大赞祥哥好尽力:“全剧佢同龚嘉欣打得最劲,佢哋都尽量唔用替身。除此之外,祥哥仲为咗呢套剧好辛苦咁操练6嚿腹肌,我睇住陈豪教佢点样食嘢Keep Fit,连佢老婆都要求佢Keep耐啲个Body,佢就耍手拧头话唔得,Keep唔到喇。”

训练咗3个月的龚嘉欣拍摄时好出力,飞腿完全冇问题。

剧中祥哥会胸袭龚嘉欣。

编审蔡婷婷指龚嘉欣向来角色是贤良淑德,好难将她同神经质、凶狠拉上关系,今次完全不同晒,陈监制对她要求好严格,拍前3个月先接受武打训练,要她打得又演得:“有日佢喺旺角同祥哥、樊亦敏拍外景,因为快天黑,唯独佢拍唔到我要求嘅表情,佢做极都做唔到,仲要驳嘴,所以我就闹佢,佢NG到喊。”

首集李佳芯戴住黑框眼镜,著住Deep V短裙配黑色鱼网丝袜做知客。

至于李佳芯不再卖靓样:“佢成日做有自信嘅专业人士,有啲闷喇!今次佢做到精灵之余带啲傻气嘅师奶仔。”问到李佳芯有否受雪藏风波影响到戏份?陈维冠强调剧集剪好后交由公司安排,冇再删剪她戏份,仍然系第一女角。”