*

upload_article_image

出海失足受伤太太代报近况 林奕匡:有最好的妻子

早日康复。

李霭玑呢排日日照顾老公,真系值得赞嘅。

早前林奕匡自爆跟朋友出海落船时,失足酿成意外,搞到手脚受伤,更要留院医治,虽然佢已经出咗院,但系仲要继续接受治疗。呢日佢太太李霭玑就Post林奕匡新相,虽然见佢右手同双脚都仲包紥住,但精神尚算唔错,太太仲赞他是见过最极积嘅伤者,“The most positive and proactive injured person I know(我认识的最积极主动的受伤人员)”

林奕匡右手同双脚仲包紥住,但精神尚算唔错。

太太仲有代林奕匡报告康复情况,令大家安心,“佢复(覆)诊后做了物理治疗,医生话佢戴个immobilizer多几日,就可以唔戴啦!话说呢几个礼拜,佢每晚都痛到唔系好瞓到觉,瞓三四个钟就会痛醒,因为止痛药既药效都只系得几个钟,好折腾,而且一路郁唔到只手,会连带颈部、背部、胸口都会酸痛,真系惨惨猪。头𠮶几日,我已经锻炼到变为一个非常称职的看护,洗头抹身、清洗伤口完全难唔到我最紧要系冷静,有耐性,细心啲谂吓假若换转头系自己,会想别人点样帮助你?”

资料图片

资料图片

“虽然老公好自责也内疚,但系话过会互相照顾对方一生一世,并唔系信口开河,几个礼拜又算什么呢,况且佢绝对系我见过最积极嘅受伤者叫做好翻(返)几日,已经嚷着什么都尽(尽)量自己做翻(返),仲无啦啦走去吸尘,真系俾佢激死。最近更日日唱歌,仲竟然弹倒(到)小小钢琴,所以大家唔好担心,多谢大家嘅问候。而家疫情加剧了,大家都要好好保重”而林奕匡亦好识做趁机放闪,顺便答谢近日辛劳嘅太太话:“I definitely have the best wife(已验证我绝对有最好的妻子)”