*

upload_article_image

钟采羲为男友不接性感演出 称未准备结婚但想生B

Iris希望40岁前完成父母的心愿做人妻。

自从拍竣剧集《荷里活有个大老千》后,人称“E级超莲”的钟采羲(Iris)已有两年多冇作品面世,今年5月忽传年底下嫁从事金融的旧同学,问到是否“收山”做少奶奶?Iris否认:“完全唔系!”并解释只是一直忙于筹备生活美容概念店,由于舖头于年初启业,目前生意已上轨道,故打算下半年重返幕前,“之前接咗啲中港合拍片,刚好疫情返唔到国内,希望8、9月返到去。”提到男友,Iris即落闸:“唉,唔好讲我男友,唔稳定呀,可能好快就冇!”唔通有暗涌?

Iris透露美容公司将与不同品牌合作。

开业不久便遇上疫情,Iris称唯有加强店内卫生。

升呢老板的Iris最开心可扩阔圈子和到舖头扮靓。

年初Iris跟闺密们合资7位数于铜锣湾开设美容中心。

为了以最佳状态“复出”幕前,钟采羲近日积极到自家美容店做机修身,还成为“生招牌”,频频于社交网贴水着照晒修身成果,未知男友会否介意她Po性感相呢?Iris笑谓:“太性感唔好,其实我啲相都喺Focus落背景、个人唔大,所以好啲,有时佢都会叫我Remove。(性感演出?)近年都冇接好大胆,太爆自己都唔会接。”说到早前因贴出婚纱照惹来结婚传闻,她称只为晚装店拍宣传照,并谓担心“一讲就散”不欲多谈男友。

Iris否认跟圈外男友年底结婚的传闻。

Iris希望40岁前完成父母的心愿做人妻。

身材Fit爆的Iris频频于IG晒泳照。

钟采羲否认“收山”做少奶奶,自言近年忙于筹备生活美容概念店。

希望美容生意打入内地

不过32岁的Iris坦言想过两年生B,“希望追到进度,但首先要揾个对象。(现任呢?)都可能会嘅,唔知呀,到时会通知大家。”答得如此不肯定,难道跟对方冷战中?她否认:“唔系,只系自己不嬲感情唔太好,又暂时未去到结婚咁认真一步啫。(男友欠缺咩?)可能系我唔好、我未Ready呢!通常一只手掌拍唔响,我比较自我同讲感觉,所以比较麻烦。(父母催婚?)佢哋都希望我快啲结婚,呢几年啦,40岁前,哈哈!”Iris称现时先专注工作,会兼顾拍戏和美容生意,目标数年后打入内地市场。