*

upload_article_image

抗疫疲劳食量增上围迈向F Cup 庄端儿:我唔系随便嘅人

庄端儿话试过跟朋友去船P觉得唔对路,然后独自跳船离开。

新冠肺炎疫情第三波大爆发,32E庄韵澄(前名庄端儿) 认有“抗疫疲劳”,运动量降低食量就增加,体重由51kg升到55kg,再加埋做咗丰胸代言人要接受按摩疗程,32E“导弹胸”升咗半Cup,连着开嘅泳衣同内衣都迫爆。身怀巨乳的庄韵澄强调自己胸大但绝对唔系一个随便嘅人,忍唔住自爆试过跟朋友去船P觉得唔对路,然后独自跳船游咗15分钟游返埋岸搭车走。

庄韵澄揾咗女教练指导做Gym,随住健身室因疫情停业,练好嘅线条都打回原形,真激气!惟有转去沙滩畅泳,庄韵澄愈玩愈high,但拍摄当日封滩前就算唔系假期,沙滩都迫满人。

嫌自己啲肉太松

庄韵澄高头大马,上围由细到大都好丰满,因为负重量大所以佢从来都唔钟意跑步,她说:“抗疫运动以游水、瑜伽、行山为主,反而好少做gym,一来唔钟意同男教练有身体接触,二来发唔到力时,好自然会嗌出嚟,𠮶啲声(呻吟)唔系几好意思嘛!直至揾到型格女教练咪试吓,教练嘅身形就系我嘅目标,我觉得女仔嘅完美体形就系要有人鱼线同埋蜜桃臀,身材当然要有,但三围比例要啱啱好,唔好身长脚短,肌肉要紧致啲,我只有70分,嫌啲肉太松泡泡。”

低胸开Live吸客

疫情下庄韵澄的体重不停上上落落,减完好快又肥返,上围更迈向F Cup:“被迫买过晒啲内衣裤同泳衣,其实太大都好烦恼,尤其男女反应两极,有好多女仔唔like我,只有少部份会私讯问我保养心得,出街尽量遮住身材。试过着泳衣拍嘢期间,有大叔目不转睛咁追住我个胸嚟望,搞到我都忍唔住笑咗出嚟。我承认,幕前骚胸系我卖点,因为疫情所有工作急煞停变咗零收入,只好转型KOL,低胸开live吸吓广告,我都系揾餐食啫,希望啲女仔唔好畀嬲嬲我啦!”

Xenia因晒出婚纱照,引网友猜测她将结婚!

只可远观勿手多

庄韵澄强调自己有身材又有脑,投资有道,仲识煮𩠌好贤淑,“我以大佬诚哥(李嘉诚)做指标,手持嘅几个物业喺4年前已全部放晒,个个盘都劲赚,家疫情唔明朗,仲关乎全球嘅事,喺未研制到疫苗前唔会趁低捞货。另外,再三强调我唔系一个随便嘅人,只可远观而不可亵玩,试过跟朋友去船P觉得唔对路,用垃圾胶袋索好财物,然后独自跳船游咗15分钟,游去最近嘅西贡咸田湾坐车离开,其实当时我唔知对岸喺边度,只系死都唔想蚀底必须要走,意外发现原来咸田湾系隐世靓海滩。”