*

upload_article_image

杨怡囡囡“小珍珠”厌奶向网友求救 星妈老友纷纷帮手打气

阿怡话多谢大家关心和意见。

被杨怡形容系醉罗汉嘅“小珍珠”瞓觉样相当可爱,熟睡中仲摸住奶樽盖。

被杨怡形容系醉罗汉嘅“小珍珠”瞓觉样相当可爱,熟睡中仲摸住奶樽盖。

唔少新手妈妈总会遇上凑BB烦恼,甚至束手无策。40岁杨怡恨咗多年,今年4月为罗仲谦诞下掌上明珠“小珍珠”,唔使讲都会锡到㶶。“小珍珠”已经出世逾百天,不过杨怡就遇上爱女厌奶嘅烦恼。

杨怡凑女亲力亲为,全面停工照顾“小珍珠”。

昨晚杨怡就喺IG出Post求教同求救,集师广益嚟解决问题。她贴了一张形容系醉罗汉嘅“小珍珠”瞓觉相,相中爱女按住奶樽盖睡得正甜,面仔肥嘟嘟相当可爱,写道:“有谁可以告诉我,厌奶宝宝应该怎样喂养?换奶粉,做了...换奶樽,做了...在宁静的房间喂,做了...睡着时才喂,做了...少食多餐,做了...还有爸爸(罗仲谦)在旁又唱又跳,还有什么未做的吗?奶樽不再是装奶奶的器皿,奶樽已经成为她的武器。#厌奶期 #厌奶 #小小珍珠 #厌奶宝宝喂养记 #眼瞓到一个点”。

陈敏之追问:“咁快厌奶?咁快开始想食Mom Mom?”当年敏之儿子子乐应该冇呢个烦恼。

胡杏儿系两子之母,对照顾小朋友较多经验。

新手妈妈杨秀惠都好关注杨怡困扰。

连新手爸爸陈山聪都加入打气行列。

唔少星妈、粉丝及网友提供个人心得意见,有的话BB踏入3个月听到少少声就唔饮奶,所以最好提供安静及睡着时候喂奶,用米水开奶都work。有人建议她埋身喂嚟感受吓妈妈的味道,亦有人叫她替BB清理舌胎,因脷胎太厚,BB饮唔到奶味、甚至叫她试吓留意奶咀个出口位,如果太细,BB好大力先食,食食吓会攰,食少少就停...阿怡收集意见后回应:“多谢大家关心和意见,全部看了,我除了喂人奶都有加奶粉呀,明天就试吓大家提供的方法。”而圈中星妈老友胡杏儿、陈敏之、杨秀惠、甚至新手爸爸陈山聪都为她打气,叫她加油。