*

upload_article_image

“食得够占”之今晚食乜 少爷占教煮𩠌变“疫境厨神”

任何菜式都难唔到佢!

少爷占化身“疫境厨神”在IG教煮𩠌。

本港第三波疫情严峻,政府日前勒令食肆晚市禁堂食,搞到抗疫期间人人变厨神!自2月初开始重拾镬铲的少爷占,大半年来都Keep住喺IG报告“食得够占”之今晚食乜,由早期玩烘焙、搓汤丸、醃叉烧,到近期仲钻研埋环球美食,不论日、韩、泰、台、上海菜......总之你讲得出嘅都有,制作过嘅款式有蕨饼、韩式拌饭、煎虾饼、台湾牛肉面、担担面等。

日式蕨饼:“咁样我终于买咗蕨饼粉啦,然后我发现之前买木薯粉系废嘅,呢次先系真实嘅日本味啊!大家千祈唔好再谂住搏下用木薯粉。”

韩式拌饭:“内子至爱,但系出亲街食都有少少唔啱心水,例如想芽菜多啲,想要熟蛋,或者唔想食肉等等。于是我决定自己整。将烤麸用烤汁炒好取代肉,其材料炒熟加入韩国麻油,就做好呢个韩式拌饭。又可以摆靓食物嘅位,最钟意!”

煎虾饼:“小朋友都钟意食香口嘢。今日整个煎虾饼。雪藏虾解冻,搞到七成烂,加入粟粉、盐、胡椒粉、麻油,好简单,零难度。天气热到咁,dip少少泰式甜酸酱送饭一流。”

台湾牛肉面:“呢个系麻烦嘅,因为事先一日要做好,啲牛肉同埋萝卜入晒味先好味。你见到九万几张图都知好多个步骤,不过我觉得最重要嘅都系番茄同埋大量洋葱,反而豆瓣酱呀沙茶酱呀个啲落少啲会健康啲。”

担担面:“基本上你识做台湾陈家凉面个酱汁,就可以做埋呢个担担面,佢哋差不多只系一冷一热嘅分别。当然呢个复杂少少啦,亦都要加埋免治猪肉、虾米、蒜头同埋红葱头炒。汤底方面就要加埋辣豆瓣酱。最好有花生碎啦,不过我冇钱买啊,妈咪未俾今个星期零用钱。”

最新一道菜式有“咖喱杂菜焗饭”。

而最新一道菜式是“咖喱杂菜焗饭”,少爷占留言:“天气无咁热就可以做返啲Heavy嘢食啦。先做好个炒饭。(其实就咁蛋炒饭加两滴盐已经好好味)洋葱、薯仔及红萝卜切粒加水加咖喱砖。炒好杂菜。加埋一齐,面放上干酪,放入焗炉170度焗十分钟。食就五分钟。”每次他都会分享埋个简单食谱,有兴趣学煮嘢食嘅网友可以上少爷占IG偷吓师。