*

upload_article_image

“多功能老公”霍启刚家庭日做外卖仔 霍震霆沙滩开心凑孙

去沙滩family day都要戴口罩

贵为霍英东集团副总裁的霍启刚(Kenneth),身兼港协暨奥委会副会长和香港出版总会名誉会长,近日积极为业界争取政府支援,虽然公事繁忙,但都不及Family day行程咁紧凑!在“封滩令”前的周末,Kenneth于摄氏30几度高温下,戴住口罩陪6岁大仔霍中曦(Lawrence)及3岁次女霍中妍(Laurissa)喺浅水湾寓所旁的沙滩玩,同行仲有74岁的父亲霍震霆及外母。傍晚时,贴心的Kenneth化身“外卖仔”到附近的餐厅买定Dinner,再返回沙滩接仔女及帮老人家收拾晒太阳孖宝,即太阳遮同沙滩椅,而白到反光嘅霍震霆就拎住个口罩爽住返归。

Kenneth帮老窦担遮和櫈回家,霍震霆行得好轻松,孙仔孙女就尾随爷爷。

Kenneth帮老窦收拾太阳遮,准备离开。

霍震霆折极都折唔埋张沙滩椅,最终要儿子出手。

晒到只手两截色嘅霍震霆拎住口罩及帽轻松行返归!

最近,霍太郭晶晶接受访问,透露不会让小朋友继承衣钵,反而希望仔女好好读书,所以自幼便培养大仔Lawrence的阅读习惯,而霍启刚更早已买定4张书展入场券谂住带妻儿去扫货,可惜因第三波疫情在港爆发,贸发局宣布书展延期举行。

郭晶晶希望子女好好读书,所以成日鼓励囝囝多阅读。

郭晶晶年初为霍家添多个B女“中怡”。

Kenneth本来已买定飞带大仔和次女去行书展,惟书展最终延期举行。

沙滩亦戴罩
因为第三波疫情严峻,专家已作出劝告希望市民尽量留家,不过大人忍到小朋友就难啲。早前傍晚5点几,刚搬入逾1.6亿港币浅水湾豪宅的Kenneth,就同外母带住大仔Lawrence及次女Laurissa去寓所附近的海滩玩水,而爸爸霍震霆亦有跟埋去,郭晶晶则未有同行,相信留家凑细女“中怡”。虽然当日摄氏30几度,烈日当空晒到应一应,但穿白Tee、长裤加波鞋的Kenneth仍全程“罩”不离口,见佢踎喺侧边住一对宝贝玩沙同玩水,唔怕焗,防疫做足100分,真系抵赞!

爹哋吹鸡返屋企,但大仔Lawrence唔愿走继续玩。

戴住口罩嘅郭妈妈除了陪乖孙砌沙,仲同孙女一齐落水洗“架生”。

Kenneth去寓所附近餐厅买外卖畀家人食。

穿波鞋长裤的Kenneth高温下戴住口罩陪子女玩沙。

Kenneth早前化身“外卖仔”到寓所附近的餐厅买Dinner,又陪仔女去沙滩玩,玩完仲帮老人家收拾晒太阳孖宝,绝对系“多功能老公”!

多功能老公
其间,郭妈妈充当“小助手”帮两个孙一齐砌城堡,霍震霆就瞓喺自备沙滩椅上享受日光浴,74岁嘅佢白到反晒光,身形算系咁!见差不多够钟食晚饭,Kenneth就开始劝仔女执嘢返屋企,郭妈妈亦带住Laurissa落水洗“架生”,但Lawrence似乎意犹未尽继续玩,Kenneth亦冇咁好气,见老窦企起身折起张櫈准备走,佢都即刻上前帮忙收遮、孭櫈离开。之后Kenneth又化身“外卖仔”到餐厅取回预先Order好的晚餐,“多功能老公”非你莫属啦!最后要提醒大家,鉴于疫情严重,为己为人都系多留家中,就算外出都谨记戴口罩呀!