*

upload_article_image

麦明诗被闹爆累死李佳芯 伍咏薇麦妈妈赞有进步  

一集死三个

今集李佳芯、谢东闵、麦明诗先后死晒,真系死得人多。

李佳芯更加系惨死,最后畀Parker掉埋落海。

Cash被Parker敲断脚,爬住走。

由陈维冠监制,无线热播剧《杀手》今晚大结局,㖊晚一集剧情相当紧凑,“杀手猎人”Parker(谢东闵饰)除咗杀埋Bill(戴耀明饰)外,仲捉走Cash(李佳芯饰),Cash先被Parker敲断脚,再被撞爆头,最后被绑喺海入面惨死。而Parker挟持閰武(黎耀祥饰)女儿Megan(阿之)(麦明诗饰)逃亡时遇上为Cash报仇嘅Zero(陈豪饰),閰武赶到为咗个女安危而极力阻止Zero出手;另一方面Megan仍想保护Parker,结果Zero再次用一粒子弹,射杀Megan与Parker,真系死得人多。

粉丝睇得好肉紧,指谢东闵系变态㗎,快离开。

伍姑娘唔识麦明诗,不过都发文激赞。

网民叫离开变态佬

㖊晚麦明诗(Louisa)喺FB发文两段,除咗上载眼定定,但笑晒口同谢东闵合照,留言“他是爱我的,是吗?”外,还转载返上月中伍姑娘(伍咏薇)对她演技的赞赏评论,文中伍姑娘话“麦明诗...意外惊喜...做得好好...成套剧...本宫最留意同几期待此女人出场...加油#我都系一个观众亦系演员非常欣赏呢位新人演出#其实我唔识佢㗎”Louisa好感谢伍姑娘嘅鼓励,再次多谢当时各位前辈嘅指导。伍姑娘就回应“睇好你...非池中物...有机会合作...”

麦明诗妈妈麦何小娟都大赞囡囡用心演出,明显见她有进步。

麦明诗有咁好条件,强调唔会食回头草。

唔打算返食回头草

唔少网民大赞麦明诗演技进步咗好多,连麦妈妈何小娟都留言话:“Louisa,你的演技真的进步了很多,我看到你之前下了这么多功夫和努力,这些并没有白费,为你鼓掌!”不过,有网民批评她行动太快,举动唔似失明人士,麦明诗都有谢谢意见。网民乘机叫她回巢,劝她唔好嘥咗好机会。仲有人求证:“唔系江美仪话你重回娘家咩?”Louisa却否认有食回头草呢个打算,留言系误会。

虽然演技获赞,但她因太爱Parker(谢东闵)累死咗Cash(李佳芯),被唔少网民留言闹爆。

爱情让人变得白痴

另外,因为㖊晚𠮶集Megan同Cash本身已逃离现场匿藏起来,但Megan因太爱Parker,挺身回应呼唤而累死咗Cash,被唔少网民留言闹爆“今晚杀咗你”、“你害埋自己啦,好嬲呀!”、“你累死咗Cash,点解要害佢?”、“佢好恐怖!”、“是非分明勇往直前嘅阿之,今集变咗低能!”Louisa就喺留言度解构让大家消吓气:“爱情让人变得白痴!”