*

“炒何”估计4个DQ议员可留任

才子陶杰在商台的节目《光明顶》星期一晚(8月10日)请了全国政协常委何柱国上去开咪,由于跟住一日人大常委就会宣布立法会的过度安排,才子就叫何柱国估吓人大会唔会俾四个被DQ的议员有无得做。何柱国兜咗一轮先俾答案,认为四个DQ议员应该可以做落去。

人称“炒何”的何柱国话,佢估中央会放4个议员一马,逻辑系中央搞《港版国安法》,都系因为香港黑暴难止,被人逼出嚟,可以的话都唔会想搞咁多嘢。由于选举主任已经话咗4人不合资格参选,阿爷反而要想来想去,都系要谂吓有乜法理根据,可以让4人留任。

人称“炒何”的何柱国(中)在陶杰(左)的节目开咪。

人称“炒何”的何柱国(中)在陶杰(左)的节目开咪。

“炒何”话,选举主任话4个议员不合资格参选,系来届的事。现在4个议员做落去,照计应该解得通,系多一事不如小一事之下,他相信4人应该可以坐多一会。

咁才子又问,阿爷会不会整个好难啃的誓言,实行强人所难,等议员自行DQ自己呢?“炒何”就话呢样佢就好难估啦,不过做议员要忠于《基本法》,若果有类似要求,又有什么问题呢?

“炒何”近年成日报纸写文,批评特首林郑,他上得去开咪,才子当然要问吓点解会咁样?“炒何”就话佢知阿太成日想连任,所以就特别出啲问题等佢答吓,其实系想帮吓佢,仲话如果林郑答得好“炒何”所有提出的问题,咁就实可以连任㖞!

小鲨

** 博客文章文责自负,不代表本公司立场 **