*

剖白当年片场发脾气 尹天照:我冇后悔过

谈当年。

尹天照接受苑仔访问剖白当年片场发脾气因由。

昔日“亚视一哥”尹天照应苑琼丹邀请,接受香港开电视节目《开工大吉77》访问,阿照被苑仔追问当年片场“发脾气”一事,尹天照趁机剖白:“当年试过一次拍戏,刚刚先拍完第一Take,点知个助导走埋嚟畀第二稿、第三稿,我心谂‘我做畀你!我将每一稿嘅优点沟埋演畀你!’但最终啲人都系同你玩反面!其实呢啲嘢冇啱定错,我冇后悔过。作为一个演员,如果冇火𠮶角色唔会好睇,但系火得滞可能会影响其他人,点样火点样拿捏就要靠时间。”

“亚视一哥”尹天照凭当年嘅《我和僵尸有个约会》系列曾红极一时。

尹天照离开电视台外闯,点知投靠个老板股票失利,唯有食回头草Sell林伯(已故林百欣) 开拍成名作《我和僵尸有个约会》系列,拍完之后再返内地拍戏揾食:“呢个选择冇话啱定错,就当你铺排得好好,而家又会点?而家间电视台(亚视)都唔喺度啦。”尹天照坦言有其他电视台接洽,奈何制度令他放弃签约:“初步倾都知自由度有问题,算啦…都过咗去。”

尹天照终于时来运到喺剧集《我和僵尸有个约会》中上位,成为亚视一哥。

尹天照 (资料图片)

苑仔自爆当年尹天照曾劝她“信教”,但最终失败而回,但他的性格亦因宗教而改变:“我嘅改变系因为我而家嘅宗教,当时太太有病,我揾唔到任何嘅方法去帮佢,咁啱有个朋友,佢有癌病但决定唔再睇医生,我闹佢黐线,佢就同我分享教会见证,我就去教会睇吓,因为呢一件事,我认为唯一出路就系靠耶稣。”