*

其他文章
感激肥姐当年促成红馆开Show 胡枫冇三高糖尿老当益壮
upload_article_image

自爆写歌专登“阴”JW 林家谦网上向林宥嘉自荐促成合作

林家谦在节目中透露跟林宥嘉和JW的合作关系。

J2《我们的音乐时代》新一集主持许文轩(Edmond)邀请林家谦及JW(王灏儿)任嘉宾,JW与林家谦关系密切,由家谦作曲,JW主唱的《矛盾一生》更成为二人最广泛播放的歌曲。

JW和林家谦接受主持许文轩访问。

家谦笑说:“当时谂如果呢首歌可以卖畀天王天后梗系好啦!”JW即时起哄说:“唉!死啦!要卖畀JW,佢Dup咗!你使唔使Google下我系边个?”家谦再说:“知道JW要咗,冇特别大嘅Expectation,因为佢𠮶时静咗排,加上又收得太埋,我真系要Google下JW个样㗎!最后首歌跑出,但呢个三部曲头两首都系一早作咗之后卖畀佢,但最后一首嘅《自由飞翔》系度身订做,专登阴JW。”JW即说:“首歌真系好难唱,半度半度转Key,真系录咗好耐。”

林家谦自爆向偶像林宥嘉自荐作品而促成合作。

节目中,林家谦亦分享他与台湾歌手林宥嘉的关系,“写歌畀林宥嘉系因为佢系我偶像,我喺社交平台Send咗Demo畀佢,好似见工Send CV咁,你唔会谂住间间都覆你,但佢真系覆咗,好记得当时我喺湾仔食紧一碗麻辣米线,收到佢Message果下想喷出嚟。”而林宥嘉亦现身节目,“我本身唔识佢,收到Demo之后,觉得佢好畀心机写歌,把声好温柔,旋律有一种拿住拿住嘅感觉,所以我回复佢想同佢合作。”

林宥嘉表示收到Demo后觉得林家谦好畀心机写歌而回复对方。

林家谦一次过跟陈奕迅和林宥嘉合作觉得好梦幻。

家谦亦有提到林宥嘉第一首广东作品《坏与更坏》亦出自他手笔,“首歌出前几日我先知道系广东歌,写嘅时候谂住两个对象,一个系林宥嘉,另外一个系陈奕迅,因为佢哋两个把声有个共通点,就系有一种好自然,直接由心唱出嚟嘅感觉,我就用咗呢个声线嘅方向去写。最后首歌林宥嘉唱,而其中一位监制系陈奕迅,实在好惊喜,好梦幻,因为两个对象都喺同一首歌入面出现。”