*

upload_article_image

庄思明狂出IG串搏见报 许芯悦喊爆:唔想再被侮辱诅咒

有传男友杨明与Katie拍亲热戏,令思明打烂醋埕

34C“翻版汤怡”许芯悦(Katie)早前伙拍杨明演出新片,戏中扮演情侣的二人有拖手及挨心口等亲热戏,岂料令有份演出的庄思明“打烂醋埕”,有传她就算冇戏份或收工仍留低近距离监场,甚至以“女二”身份向“女一”Katie教戏!对此,Katie向传媒直认被思明的“凌厉眼神”吓亲,仲搞到头痛又失眠,并强调杨明不是佢杯茶;但另边厢,思明却否认“人盯人”监场。

Katie直认被思明“凌厉眼神”吓亲!

今日Katie到荃湾出席颁奖礼活动时,被问到思明监场事件,她即低头兼手震,沉默30秒后才哽咽回应:“我唔可以讲任何嘢,报道后我收到短信骂我,唔想再被人身攻击、侮辱同诅咒我。(边个攻击你?)有一个人我唔想提及佢!”问会否怕再遇到对方?Katie边抽泣边说:“到时先知道,唔系个个都会将短信畀记者睇,令到自己可以上C1,C1唔重要、钱亦都唔重要,人矮做Model亦唔代表人格差!(会否找杨明解决事件?)我冇佢任何联络方式!”

今日出席奖礼活动时,当被问到思明监场事件,Katie低头兼手震。

Katie哽咽回应:“我唔可以讲任何嘢,报道后我收到短信闹我!”

有传为防邪花埋杨明身,思明冇戏份或收工仍留低近距离监场。

思明于活动前曾出IG Story,暗寸Katie利用她作故仔搏见报。

在活动后思明再出Po,疑揶揄Katie是小丑,又诅咒对方“再讲大话小心变木偶鼻”。

有传男友杨明与Katie拍亲热戏,令思明打烂醋埕,刻意留在片场“人盯人”监场。

未待Katie回应事件,另一主角思明已再次出IG Story反击,十分有“先见之明”!思明留言:“预咗D(啲)讲开大话嘅人系唔会咁容易收手架(㗎)啦!你要继续老屈作故仔搏见报你咪继续囉,公道自在人心!我又唔知你系边位,同你讲多都嘥气。#我系受害者都未喊 #人在造天在看 #你想利用我到几时 #系唔系唔作故仔唔屈人就冇得见报呀”在活动后,思明又再于IG Story发功,她写道:“其实佢都几好笑 #想笑死我 #有个小丑氹自己开心都几幸福呀 #你再讲大话小心变咗木偶鼻”