*

upload_article_image

超模Gigi Hadid生咗嘞 Zayn拖住B女手手超开心

恭喜晒 !

25岁超模Gigi Hadid及27岁One Direction前成员Zayn Malik拍拖多年不断离离合合,去年尾再度复合,之后传出GiGi怀孕但一直未经证实,今年9月,GiGi在ig贴出大肚照并透露已怀孕33周。

Gigi Hadid嘅ig有好多佢嘅大肚靓相。

除咗喺影楼影大肚相,户外都有㗎。

8月初,Gigi Hadid同Zayn期待迎接小生命。

两人拍拖多年经历多番离合,热恋期曾替时装杂志影相。

B女捉住妈妈手指。

靓仔爸爸捉住囡囡手仔。

超模Gigi Hadid及Zayn Malik的B女出世嘞,网民都好期待见B女真身。

佗B期间,超模准妈妈经常喺ig贴出靓靓大肚照,有黑白有彩色,开心feel又有玩Moody嘅都有,话咁快,BB出世嘞,今日,新任父母各自喺ig贴出B女手手相公告天下。超模妈妈话:“呢个周末,我哋嘅B女加入咗我哋嘅生活,佢已经改变咗我哋嘅世界。”而靓仔老窦更开心到语无伦次:“我哋嘅宝贝女喺呢度,又健康又靓,我好想用言语去形容我呢刻嘅感受,但真系太难,我从呢个小生命身上感受到无与伦比嘅爱,好开心能够认识佢,好骄傲佢系我女儿,感谢我哋拥有呢个小生命。”从两人贴出嘅照片可以睇到,B女手手一直捉住爸爸及妈妈手手,画面好温馨。