*

upload_article_image

疫情下大觉悟忘记仇恨 洪永城要清空心灵

Tony话,爱同关怀最重要

由洪永城(Tony)主持及张志明监制的TVB节目《你还好吗》,探讨喺疫情下,东南亚及欧美等地人民嘅生活有乜变化。Tony坦言亦有所启发,学会要“清空”自己:“呢个疫情,人与人之间好似多咗道门咁,社交系需要距离,但爱同关怀系唔需要距离嘅,发觉仇恨原来都系小事嚟,唔会再摆喺心!”

之前拍剧同朱晨丽有误解,未知Tony会否主动化敌为友呢?

疫情下,Tony好积极做运动,仲会经常同女友去跑步。

疫情下,洪永城坦言都有所启发:“疫情前对朋友及家人忽略咗关怀,所以呢个时候,都有向世界各地朋友发出问候讯息,有啲成十年冇联络,之后遍布世界各地嘅家庭群组嘅互动都会多少少。”问到跟亲友疏离会否被误会红咗变冷漠?Tony即解画:“佢哋明白我好忙,不过𠵱家开始谂,点解同亲友嘅关系冇以前咁好呢?思考究竟发生过乜事?离唔开一个爱字,最后都系问一句‘你还好吗?’就可以解决到所有障碍。”

Tony呢期爱打坐冥想,因为可以清空心灵。

Tony话当下可以做到乜就做,最想去篮球场打返场波。

一切误解都系小事

Tony预计下年先有剧拍。

Tony未计划同女友梁诺妍结婚。

因为各地封关,Tony只能喺香港取景拍《你还好吗》。

“泰国通”胡慧冲负责报道泰国篇!

Tony疫情下大觉悟忘记旧仇。

问到会否清除过往嘅误解化敌为友?Tony坦言𠮶啲都系小事:“𠵱家增长咗智慧,好多嘢都唔重要,有缘份就继续,冇都冇办法,唔会摆喺个心,原来摆咁多杂物喺个心入面都唔系咁好,要谂办法去清空自己,令到自己个‘背囊’再轻啲,目前无时无刻都接受新嘢,抱住一个正面嘅态度,打坐、冥想都足以清空心灵,除咗早睡早起,仲会参加网上课程进修,唔好畀自己停落嚟。”