*

upload_article_image

陈恩硕筹办网上抗疫音乐会 郑丹瑞陈洁灵出力相助

加油 !

郑丹瑞(旦哥)和陈洁灵(MissChanChan)将于9月27日演出陈恩硕(Tom)导演的《我们的青春日志》网上抗疫音乐会。陈恩硕坦承因音乐剧《我们的青春日志》受疫情影响,上演57场后被迫煞停,眼见合作班底苦况,决定搞网上音乐会帮助该剧班底及其他剧场自由身工作者纾困。旦哥和MissChanChan有感有意义而出力相助,而他们坦承因疫情而被迫转型及趁机为身心叉电。

郑丹瑞和陈洁灵坦承因疫情关系,好多工作都被迫叫停。

旦哥和MissChanChan觉得音乐会好有意思而答应演出。

阿Tom解释今次音乐会不算慈善骚,只望为同业纾困,“今次冇伙拍慈善基金去做,因慈善基金会少不免有啲行政费,我哋唔想大大只字写住慈善咁伟大,当我哋做一个自己嘅Concert啫,只不过攞啲收益嚟帮到几多人就几多人,但到时未必帮到,因唔知收益有几多,所以我哋冇用慈善呢啲字眼。”

旦哥和MissChanChan都赞陈恩硕年青有为,令他不禁尴尬面红。

旦哥欣赏陈恩硕才华,所以一直为音乐剧《我们的青春日志》担任顾问。

阿 Tom坦承音乐剧本来预计演到11月,因疫情煞停令工作班底生计大受影响。

音乐会将由音乐剧《我们的青春日志》当中抽出13首歌来演绎,旦哥负责打头阵,而MissChanChan就压轴演出。由于旦哥是该音乐剧顾问,但MissChanChan本身没有参与该音乐剧也答应演出,阿Tom和旦哥就踢爆揾对方演出内情,“上年首演时有邀请过MissChanChan做校长个角色,但当时佢有工作撞咗期(旦哥:所以唔系𠵱家先谂,系一早谂咗揾佢)。”MissChanChan就坦言觉得音乐会有意义而帮手,“因为旧年佢哋揾过我,但个期配合唔到,所以旦哥打畀我嘅时候,我知呢件事,对首音乐又有啲印象,我觉得好有意思就答应。”

音乐剧《我们的青春日志》彩排时,已受疫情影响要全程戴口罩。

音乐剧几位主角Ben Sir(欧阳伟豪)、杜小乔和谭永浩,都会演出音乐会。

疫情下,旦哥和MissChanChan工作大受影响,旦哥说:“但系我个人唔停得,所以转型喺网上做节目。”MissChanChan亦说:“真系停工,回复返年少轻狂嘅时候,有去玩又有进修,工作就系准备中。不过,呢个时间大家唔想遇到,但亦都系一个好好嘅时机,畀大家停落嚟检视吓自己,咁多年嚟为工作,冇乜时间同屋企人一齐,或者自己进修,呢个系一个身心叉电嘅时间。”