*

upload_article_image

张达明受苑琼丹访问 坦言长年在外工作对子女愧疚

家人最重要。

张达明接受苑琼丹访问,罕有谈及一对子女。

张达明日前接受苑琼丹邀请,亮相香港开电视节目《开工大吉77》,张达明笑指去年首次做电影监制,碌卡邀请“苑苑”客串,对方仗义补拍戏份,所以一口答允做访问。达明话自己圈中打滚多年,台前幕后岗位都曾参与,但最爱仍是老本行演栋笃笑,“我做监制就唔系好在行喇!但呢个岗位就可以谂吓揾边个朋友帮手,够唔够钱碌边个卡客串咁,喺我病后可以圆监制梦。而咁多年最钟意都系做栋笃笑,因为够晒即兴,试过做做吓唔记得对白,错晒都照做落去,偏偏成为最好笑𠮶一段。”

达明笑言一口答允亮相,为向苑仔还人情债。

入行多年的张达明,近年一尝得奖的滋味,更不相信自己获奖,“两年前去华鼎奖,初时以为系做颁奖嘉宾,到场先知自己攞奖,初时都唔信㗎!以为佢哋拍整蛊片,𠮶次就第一次攞奖。到金像奖被认同意义好大,原来我系一个正式嘅演员,系交到货嘅!当时好耐冇拍戏,可以参演系好吸引,我担心自己身体做唔做到,当时真系好瘦,不过动作戏唔多,觉得自己可以应付到。”张达明坦言未完全康复,但尽量“包装”自己见人,“好似今日要见苑仔,我咪化个妆,食番肥啲睇落饱满啲。𠵱家我都呼吁各大监制揾我演皇帝呢类角色,坐喺度等人服侍,加上我做过周星驰同刘德华电影嘅皇帝,所以系‘皇帝专业户’。”早年因为工作离乡别井,所以对家人有所愧疚:“梗系会啦!未病之前都有啦!当时去广州拍戏,一走就要走半年,间唔中先返香港一日半日,离开仔女咁耐都有啲心痛。其实访问我一向都少提家人,因为都系私事唔想交代,但系都想讲多句,我嘅仔女对我好重要,系我人生最美丽嘅事,我系幸运儿,我会做所有嘅事令佢哋快乐。”

达明鲜有在访问中,提到儿子子由(右)和女儿子簥。

达明跟苑仔老友鬼鬼,两人更互笠高帽。

难得跟老友畅谈,达明笑得特别开怀。

达明更搞笑自封为演“皇帝专业户”。

苑仔表示与达明见面感兴奋,开心见到好友精神饱满,“头先知道佢重咗15磅,所以真系好开心,佢都好难得开腔讲家人,我都要多谢佢。开头佢话欠我人情债,其实冇啲咁嘅事,当年佢套戏要补拍,我以为系冇钱,点知都照有粮出,即系同一场戏收咗两次钱,佢系一个好监制就真!”