*

upload_article_image

开live同网民过中秋 陈倩扬玩即兴驾车去送礼物

有心思~

大家今年点过中秋节呢?陈倩扬就用一个好特别方式嚟过节喇。

两公婆寓拍拖于工作,好Sweet。

陈倩扬自创食得饱,冇压力减肥方法红遍网络,她常以“过来人”身份分享低糖饮食餐单及生活,Facebook专页已吸纳约8万6粉丝支持,而《你得我得行动组》减肥团激增至7万5成员加入。为咗鼓励团友,陈倩扬经常跟成员互动,继之前为咗表扬学员Karly减肥成果,特别安排对方影婚纱相外,昨晚喺迎月夜,倩扬又搞新意思,同车行合作,由老公充当司机,驾车去港、九、新界即兴送礼物,同网友玩互动。

喺黑雨期间,两公婆先喺室内开住live等。

当晚停雨后,两公婆开始行动,由迎月夜玩到中秋节凌晨两时多,由铜锣湾出发先去太古城,再行东隧及大隧到各区,驾车途中倩扬更开腔唱吓歌仔《春夏秋冬》及《月亮代表我的心》助庆,陈生更搞鬼地乱入歌词,氹到倩扬笑得好开心,两公婆又齐齐食月饼,寓工作于娱乐,sweet爆。

陈倩扬一度担心天雨坏咗好事。

3子女索妈陈倩扬成功减肥,成为肥师奶努力指标。

倩扬仲fit到有埋条蛇腰。

育有3子女嘅倩扬,坚持keep fit系女人终身事业。

陈倩扬不时喺社交网分享低糖饮食餐单。

之前为咗表扬减肥组员Karly减肥成果,特别安排对方影婚纱相,送上惊喜。

倩扬鼓励Jenny老师夫妇加油,两公婆由去年底开始减肥,至今两人夹埋瘦咗35磅,对比返之前嘅旧相真系瘦咗好多。

陈倩扬趁迎月夜及中秋节凌晨,老公共汽车佢玩即兴,周围去送礼物畀网友嚟互动。

由于首次以咁嘅形式做直播,倩扬显得相当兴奋,大叫好玩。陈倩扬接受头条娱乐访问时话,今次中秋迎月即兴送礼live有2千几人睇,玩到凌晨两点仲有成千人收看,有差唔多一万个留言,其实今次相当刺激,本来以为黑雨活动要取消,直至等到黄雨过后即时行动。见于反应好,考虑择日重赛。