*

upload_article_image

女生自强 张沛乐努力工作证明自己

沙律表示想揾个同佢倾到偈的另一半。

现年28岁的“沙律”张沛乐有份参演的ViuTV新剧《熟女强人》正在热播,剧中,首拍“SheShe”戏的她饰演傅颖(Theresa)的前度,问到二人有否亲密镜头?她说:“冇Kiss,但有揽揽抱抱,啲激嘅画面唔喺我身上。(恨拍SheShe激情戏?)都想嘅,自己都未试过拍呢类戏,其实每个人都有一次同异性拍激情戏嘅经验,但我都未有就同女仔拍……不过都冇乜所谓啦,又唔系我拣嘅。”但谓自幼便喜欢台湾型男郑元畅,盼将来有机会跟对方合作。

拥33E、23、34.5火辣身材的沙律不乏追求者,但她却不恨嫁入豪门做少奶奶。

至于现实中,可有女生曾对她产生爱慕之情?沙律笑称:“唔会㗎,冇女仔钟意我,因为我见身边好多女同性恋朋友,通常女仔𠮶边(TBG)嘅都较娇嗲,而我性格比较男仔头,但男仔𠮶边(TB)又通常短头发、好男仔,咁我又唔系㖞,所以佢哋都未必拣我。”

影片截图

影片截图

影片截图

讲到性格直率又刚强,拥33E、23、34.5火辣身材的沙律自然不乏追求者,不过她却不恨嫁入豪门做少奶奶,曾获有钱仔追的她说:“我会先观察吓对方为人,𠮶时自己都有啲却步,主要都系沟通问题,相处过后发觉对方以为自己讲嘢好好笑,但其实我觉得一啲都唔好笑,咁样已经相处唔到啦,之后又夹硬揾嘢嚟讲,咁强求就算啦,最后都冇一齐到,真系冇感觉。(如果一齐咗就印印脚唔使捞喇,哈哈!)使乜啫,自己印印脚唔得咩!我从来冇谂嫁有钱人,好彩屋企都算小康之家,所以钱唔系我人生目标,反而想努力工作证明自己,我宁愿揾个同我倾到偈,两个人或者一齐萌生到新事业,咁咪仲好!”曾被撩陪老细一夜情的她又表示不稀罕揾“快钱”,相信靠自己都赚到钱买砖头。