*

upload_article_image

相处非童话式浪漫 何雁诗自爆同郑俊弘互闻测体臭

Step解释佢地都好注重个人卫生,但身体有啲位自己闻唔到,唯有帮对方check吓。

何雁诗(Step)最近推出新歌《基本恋爱套路》,她上次接受《头条日报》访问已预告创作了这首歌送给未婚夫郑俊弘(Fred),当时她本打算给Fred惊喜,最终忍不住给了对方听Demo,现在更顺理成章找Fred充当MV男主角。Step坦承跟Fred的爱情并不如外界想像的童话式,反而平日相处非常简单,绝不浪漫,只爱宅在梳化睇电视,互闻对方测体臭,已觉得好满足。

Step明年最大的期望是摆到酒及开到骚。

Step最初都担心送歌给未婚夫这举动太老土,但最后都决定随性去做,“我本身系谂住唔做,我本嚟唔想将婚姻变咗一个商业嘅用途,但系写写吓Demo时,觉得亦都系纪录咗我呢一刻一个好真实嘅感觉,因为我喺呢个时候勉强做一首悲情歌,反而格格不入,𠵱家做一首歌适合我结婚待嫁就嚟做人妻嘅感觉,反而合理得多。”

Step邀请了未婚夫Fred出任《基本恋爱套路》MV男主角。

MV中,Step与Fred的相处方式,正是生活的日常。

讲到Step的创作过程,原来都几搞笑,“大概系Fred求婚之后冇几耐写,今年年头度,我最深刻系喺厕所个洗水盘嘅水喉前面,临冲凉之前突然间好似有啲计㖞!咁就即刻揾手机录咗,𠮶时我冇谂住攞嚟做一首歌,因为喺年头嘅时候未试过有广东歌出过,去到年中嘅时候,我再畀监制Cousin Fung听,佢觉得首歌有啲特别,仲将我啲一忽忽嘅歌,砌埋成为一首好完整嘅Demo。”

Step和Fred的浪漫求婚过程,并非他们心目中最渴望的浪漫。

至于歌词方面,Step揾来第一次合作的Oscar填词,还将平日跟Fred生活的日常做主题,“好多时外界觉得我同Fred关系比较多波折,比较戏剧化,其实我哋平时日常生活系好简单,唔系好似公主王子咁。首歌用《基本恋爱套路》系有啲讽刺成份喺里面,一般恋爱嘅套路可能系男仔一定送花,第一次约会食法国餐饮红酒,但系反而我哋嘅套路喺屋企好简单食餐饭就已经满足,同外界觉得套路唔同。”

早前Step和Fred已进行了过大礼仪式。

Step觉得跟Fred的浪漫定义,跟一般人大不同,“我哋对浪漫定义,都唔系好传统唔系买花,或者讲啲好sweet嘅嘢就系。我觉得最浪漫反而唔系求婚𠮶时,而系喺梳化度我闻吓佢脚指,佢又闻吓我嘅胳肋底,哈哈!我觉得简单先系最浪漫。”对于这种怪癖,她再次解释,“呢单嘢系有原因,脚指我哋自己又闻唔到,但好注重个人卫生,唯有帮对方check吓,好原始地好似马骝都系会帮对方检查捉蚤,我哋都系呢个套路,我哋系猴子嘅基本恋爱套路,哈哈!”

提到跟Fred互闻体臭,Step忍不住尴尬狂笑。

Step早前放片上社交网被指晒性感,令她将来会更小心。

近日Step爱上滚轴溜冰,难得Fred也喜欢。

即将于11月7日跟郑俊弘注册结婚,暂定明年才摆酒的Step,当了独立歌手接近一年,推出了3首风格不同的单曲,Step很满意这年的音乐发展,未想专心做人妻,反而已定好明年的音乐目标,“做完第3首歌,我已经做紧第4首歌,出年做完第4首歌,希望开到骚回馈番我嘅歌迷,我实在好挂住唱live,成年冇唱过,所以我对于明年嘅期望系又摆到酒又开到骚。”