*

upload_article_image

杜德伟抱囝囝当做Gym 苏永康父子去酒店有“女”陪

两个凑仔公。

难得放假,一众星爸尽情享受天伦乐,好似苏永康(苏康)今日就带囝囝苏展弘(Jazz)去酒店Staycation,仲拍晒片放上IG开心Share,他留言:“Jazz终于可以Staycation,仲有佢最钟意嘅水上活动,又可以同表妹一齐玩。今日玩到黄昏都仲未攰,今晚我谂食完饭就瞓到只猪仔咁啦 @i_am_jazzso #staycation #thankful #sunnyday #holiday #funny #但愿我能给你一个更像天堂的地方”片中,一身潮Look戴晒黑超的Jazz,好叻仔地自己拖住个车仔造型箧带队上房,老窦就全程紧随其后𥄫实阿仔;另外两段片,就睇到Jazz同表妹一齐喺泳池玩水,之后两人又返房一齐食曲奇饼,喺Cute爆表妹面前,Jazz都即刻Chok晒Pose影相,似足老窦㖞!

Jazz带队上房,苏康全程紧随其后𥄫实囝囝。

Jazz自己拖住个车仔造型箧,好威风。

Jazz同表妹一齐喺泳池玩水。

之后两表兄妹返房一齐食曲奇饼。

喺Cute爆表妹面前,Jazz即刻Chok晒摆Pose影相。

苏康一家三口。

Alex就同囝囝一齐落街买𩠌,顺道抱住AJ当健身。

无啦啦变“哑铃”的AJ表示无奈。

星爸苏康同Alex今日放假都做凑仔公,尽情享受天伦乐。

至于杜德伟(Alex)两父子今日就一齐落街买𩠌,Alex咬紧牙关左手抽住啲水果,右手就抱起肥嘟嘟的囝囝AJ,太太老婆李晓冰(Ice)于IG贴图并留言:“健身使乜择日 @alexto_dudewei #AJ沦为健身器材表示无奈 #自杀式买𩠌 #右手攞多包米先平衡 #伟大父亲系列 #强劲臂弯 #AJTo”睇番相中AJ的表情,只能说一脸无奈,两父子表情相映成趣,好搞笑!