*

upload_article_image

《大海男儿》任务刺激又惊险 吴启洋欧镇灏叶振弘晕船浪呕到怕

三位去年参加《造星II》。

Phoebus(吴启洋)、George(欧镇灏)及Marco(叶振弘)去年参加《全民造星II》,经过一年时间,终于有机会担正ViuTV正播出的旅游真人骚《大海男儿》,带大家游山玩水,有挑战性够搞笑之余,亦不乏资讯性内容。三子算是熟水性,依然逃不过被制作组玩残,日日晕浪呕住开工,即使过程辛苦,但他们都觉得机会难得唔会后悔参加!

拍摄曾因天气不稳定而临时取消,令Phoebus错失再度担当船长的机会。

George是《大海男儿》导演Mike的忠实Fans,之前对方执导的综艺节目都有收看。

节目每集会抽签选出一名“船长”,赋予其指挥另外两位“船员”的权力,而“船员”需绝对服从。Phoebus参加《全民造星II》成功夺冠,入行前做过模特儿,幕前经验最多,又是三人中最年长,但竟然只做了一次“船长”,“基本上除咗第一集,我都冇点做过船长,每次都抽唔中。”不过今次的真人骚伙拍《花姐ERROR游》系列的“痴线”导演Mike,故大家异口同声都认同“船长”角色只是傀儡,“船长只系幕前最大𠮶个,导演始终系最至高无上,佢讲咩我哋就要做咩。”

《大海男儿》是Marco第一个节目,他亦是节目中做船长次数最多的人。

即使过程中有不同要上山下海的挑战,他们都大呻最辛苦始终是晕船浪,即使食定晕浪丸都冇用。George直认忽略了艇仔晕船浪的威力,Marco补充说:“第二集地点嘅水流比较急,唔用力划船嘅话就会撞到礁石。”头晕亦令众人开始呕吐,Phoebus表示:“有时大家见到镜头只得一两分钟,其实成队Crew系要上另一座山拍摄俯瞰嘅画面,我哋等嘅时候要喺海中心飘流,好易晕船浪,我同Marco就咁失咗手。”George则十集都没有呕过,除了比较幸运,全因他在大家最“呕”心沥血的一集走咗去瞓觉。Phoebus玩踢爆说:“有集撞正1号风球,我哋要凌晨出海,当时架船好似过山车咁。日出之际,(制作组)捕捉到好多呕(嘅画面)。个太阳好靓,但我哋就呕得好犀利。”

第二集海面十分大浪,Phoebus在眼镜洞前率先献出节目第一“呕”。

谈到最难忘的经历,三子即提到一个大伏,“啱啱学完自由潜水,导演就话‘我哋Enjoy吓,带大家睇吓香港嘅海,睇吓珊瑚’。”当时他们十分兴奋,以为终于有机会可以放松,谁知制作组却带他们到一个神秘景点,“𠮶度有几十条攻击力非常强嘅鱼,(我哋)要跳落水寻找一啲嘢。危险程度应该系最高,因为连神秘景点嘅老板见到都好唔放心,老板仲话冇人试过咁做。”几乎每集都与船长之位无缘的Phoebus,继续“黑仔”到底,要接受这个鱼池洗礼,令他大呼:“(做水手嘅感觉)就...唔系咁舒服嘅,不过节目需要我都会咁做!”被问到如果再有做船长机会,会对两位船员下达什么指令?Phoebus想也不想话,会叫Marco和George代替他落水,十分搞笑。

第四集Phoebus要落鱼排,跟凶猛巨鱼“畅泳”。

第四集Phoebus要落鱼排,跟凶猛巨鱼“畅泳”。

在等待与观众见面这年,三人各有各搞作,Marco除了继续上堂恶补跳唱实力,亦参演预计明年播出的ViuTV原创剧《太平纹身店》,“《大海男儿》系我第一个(见街)节目,头一两集好紧张,不过同队友以及制作组都相处得好舒服,适应咗就越嚟越轻松。”George和Phoebus今年1月就有份与ERROR合作真人骚《全民来电》,George表示:“《全民来电》系慈善形式,所以成个人比较含蓄,今次放晒个人出嚟,都担心自己是否Handle到,好彩有导演嘅指导同三(两)位嘅包容。”Phoebus认为《全民来电》令他对真人骚改观,“之前对综艺认识唔深,拍《全民来电》发现实况节目比较适合自己,对户外去玩、去挑战有多啲兴趣。同埋好荣幸可以同Mike导演合作,佢有表露主持真实一面嘅能力。”

Phoebus(中)在《全民造星II》夺得冠军。

担大旗体验过综艺节目后,虽然仲想试多些其他工作,但讲到要在唱歌、拍剧、综艺、主持四者之间抉择,George不假思索便说:“实拣唱歌!不过唔系唱情歌,我比较想挑战Rap。近年香港比较少呢类型嘅歌手,好似台湾嘅周汤豪咁,我目标系将呢类型音乐带入香港。”他更透露自己有开始写Rap歌词,当写出满意的作品,一定会放上YouTube同大家分享。Marco亦认同:“就算要四拣一,我都系拣唱歌。始终唱歌系我最钟意同做得最耐嘅嘢,虽然呢一刻未必系唱得好好,但我愿意投放更多时间落去。”至于Phoebus就心大心细话:“我都有啲纠结,但参加《全民造星II》嘅初衷就系因为钟意唱歌跳舞,我练舞比较多,亦摆咗好多时间落唱歌,所以出歌会系首选。”

 

 

 

至于Phoebus就心大心细话:“我都有啲纠结,但参加《全民造星II》嘅初衷就系因为钟意唱歌跳舞,我练舞比较多,亦摆咗好多时间落唱歌,所以出歌会系首选。”