*

upload_article_image

咀女神张可颐高呼好满足 邵仲衡冧妻三大守则全公开

想学?一定要睇到尾!

邵仲衡(大佬孝)最近在ViuTV新剧《暖男爸爸》饰演张可颐(Maggie)前夫“Roger”,他形容角色既是狂人,亦是个浪漫男人。谈到首度跟Maggie合作,他兴奋跟“女神”拍咀嘴戏,大呼好满足。讲到现实与圈外太太Wendy结婚19年,两个囝囝已分别18及16岁,能够维系好家庭关系,大佬孝自有一套冧妻三大守则。

大佬孝能够维系好家庭关系,自有一套冧妻三大守则。

首度跟Maggie合作,作为前辈的大佬孝竟化身小粉丝,“以前喺国内睇香港演员宁舍有亲切感,梗系有某程度上仰慕,作为小fans观众嘅心态,但系做呢行就有呢样好,下个戏就做一pair,日日对住。好多人好羡慕我同Maggie合作,尤其系我呢个年纪嘅朋友。”剧中大佬孝跟Maggie演过气夫妻仲有亲密戏,令他格外兴奋,“真系劲咀𠮶场冇咗,但系后尾都有啲地方短兵相接,但系我都好满足㗎啦!哈哈!”

大佬孝讲到能跟“女神”Maggie有咀嘴戏,笑得劲冧!

剧中大佬孝饰演年轻时已发达的“Roger ”,𠱁女人有一手。

大佬孝跟剧中前妻Maggie的关系,刚好跟他现实相反。

早前被拍到太太拣衫期间,大佬孝好有默契坐在一边㩒电话。

大佬孝专攻睇烹饪书,似乎做定功课煮爱心餐𠱁老婆。

大佬孝和《暖男晚晚》中的“Roger ”,冧妻有不同方式。

大佬孝01年跟从事地产行业的Wendy结婚,对于令关系保鲜,他认为有三大守则,“第一,唔好成日侵入对方领土;第二,就系揾啲生活小趣味,第三,唔好吓吓问到底要识得留白。”他坦言这是经验之谈,“老人家教两公婆嘅嘢,只眼开只眼闭,一定要畀对方空间,有啲嘢唔想讲唔好问,你有啲嘢唔想讲都唔钟意人问啦!另外,话长话短说直接啲,但有啲位反而唔可以咁直接,或者用其他方式,因为佢唔系街外人,或者工作上嘅朋友,佢系你太太,你要嘥多少少时间谂吓究竟用咩方式表达你𠮶个‘No’字。”至于生活小趣味,大佬孝以往爱带老婆去特别地方旅行,但因疫情他转为煮爱心餐,“自己都肚饿㗎!哈哈!(煮西餐定中餐多?)乜都有嘅,我自己钟意啲唔使太多功夫嘅,之前钟意煲汤𠮶啲,但𠵱家会倾向整日本同韩国菜,因为调味料比较特别,几得意。”至于对待两个在英国读书的囝囝,大佬孝否认是“暖男爸爸”,但会比较开明不会太紧张成绩,平日仲会跟囝囝倾英超和讲音乐,“我觉得父母安排佢去间几好嘅学校已经够,我喺侧边提点吓,你考得好唔好唔关我事,你自己冇面啫嘛!”