*

upload_article_image

疫情反复唯有自救 陈健安瞓身做处男网上Show

On仔对网上演唱会相当有信心

受疫情反复影响,C AllStar On仔(陈健安)单飞后处男个唱《陈健安2020以青春之名演唱会》由今年2月28日改到9月18日仍然开不成,最终落实在11月1至7日转做网上演出。作为本土网上个唱开荒牛的On仔保证,网上演出不会小规模过实体演唱会。

On仔操Fit为11月1日开网上show。

今次《陈健安2020以青春之名演唱会》经历两次延期,从气馁到积极筹备,On仔经已叠埋心水不再去谂,《头条新闻》问到做不成实体演唱会是否有些美中不足?On仔:“我只系有一种想法,首个个唱要去到尽,有啲All in one心态,事实上唔知疫情几时完,一年后都未必做得到实体演唱会,网上演出可能系一个出头天,其实要自己救自己,让香港观众渐渐接受网上演出要收费,而今次掌握到嘅技术,将来都可以用返落实体演唱会中,今次我哋好大规模,会唱成30首歌,仲book咗一个厂,由专人嚟设计演出场地。不过,最初做系会有啲压力,𠵱家有晒方向成个团队好有信心,反而好Enjoy。”

On仔对网上演唱会相当有信心,承诺会去到尽,不会比实体演唱会差。

演唱会是强化身心灵青春音乐祭典,主题是“愿我们以青春之名继续拓荒”。

C AllStar之前做过虚实结合的线上互动演唱会,图为On仔专属公仔造型。

C AllStar 出道10周年,四子曾限定重组,化身成玩家角色在虚实结合的线上互动演唱会中演出。

五年前C AllStar拆伙前举行演唱会,4子忍不住在台上落泪。

陈健安拍新歌《废学》MV,Set了一个穿越时空的宫殿布景。

今年初,首出个人专辑即勇夺唱作人金奖的On仔相当激动。

今次网上演唱会包装成一连7日《本原祭》招待本原族(On仔歌迷),除On仔外,还会同喜爱单位,如鸡蛋蒸肉饼、TheHertz、雷同二友、Greytone的Keni、NovelFriday,还有一位做影像的Tezzz Crossover,一起Jam歌,不过就没有预C AllStar 3兄弟:“畀佢哋唞唞啦,留待合体时再演出,今次系我个唱,成个Rundown有好多自己想唱嘅歌,不过,佢哋经已喺我心入面,我声音、灵魂入面都有佢哋喺度,永远搣唔甩,化灰都睇到!”虽然冇预演出,但三子会做座上客,“疫情下大家都冇乜嘢做,佢哋唔会唔睇呀?今次我哋设计咗一批数码座位,我可以同呢班观众互动,不如叫佢哋‘上座’,我唔除衫,由佢哋除,其实都几有趣㖞!”