*

upload_article_image

陈蕊蕊探灵爆喊节目腰斩 KB李健宏:做人正气不怕鬼

KB话,人先至最恐怖

十年前凭YouTube大整蛊节目《玩爆你个肾》而爆红的李健宏(KB),由鼓手踩入幕前,最近搞埋坏人制作中心,杀出一条新血路。KB喺疫情下冇畀自己停,继续制作网上灵探节目《又要睇又要惊》,日前KB带理嘉宾陈蕊蕊去咗瀑布湾探灵,KB亲自落水超渡亡魂。

KB同蕊蕊在猛鬼传说的瀑布湾招魂。

蕊蕊因为太惊,师傅只安排她在岸边打鼓,由KB落水超渡亡魂。

网上灵探节目《又要睇又要惊》两年前拍第一集,当时只系喺万圣节去山顶荒废屋取景,点知就一直玩落去。日前大队去咗日治时期“乱葬岗”瀑布湾探灵,KB话呢度发生过多宗离奇意外,甚至有富家女放狗堕崖,所以有唔少灵异传说。当晚因为打风,天气唔系好稳定更添迷幻,原先想过去当年日占时期用嚟做军事暸望台嘅废置石屋,因水涨都去唔到,大队唯有留返喺石滩拍摄。

拍摄前蕊蕊影周围环境短片给姐姐看,姐姐见到好多黑色怪影,叫她不好玩马上离开。

KB独自落水超渡亡魂,而腰间绑住红绳。

蕊蕊之前去老人院探灵,吓到爆喊要走。

蕊蕊有男友,𠵱家甚少着泳装出镜。

KB表示节目同一般灵异节目不同,着重真实性,绝对不会造假。

十年前李健宏(KB)凭YouTube大整蛊节目《玩爆你个肾》而爆红。

蕊蕊之前跟KB去老人院探灵,吓到爆喊要走,今次去猛鬼传说的瀑布湾招魂明显没有那么惊。

《头条新闻》现场所见,师傅先为KB同蕊蕊点起香蠋,播住日文鬼歌《笼中鸟》做招魂仪式,跟住两人一边烧衣纸,一边透过磁场探测机跟灵界“沟通”,探测机隐约传来讲英文、讲广东话,成人及小朋友对话,吓到蕊蕊唔敢向后望,猛话对唔住打搞晒,而KB就淡定得多,继续对住探测机发问问题。之后师傅掟完西瓜落水后,便用红绳绑住KB腰间落水做翻盆仪式超渡亡魂,蕊蕊则在岸边打鼓。当晚头重重嘅蕊蕊心慌慌:“其实我一直都唔做灵异节目,唔知点解上两星期竟然答应KB拍,𠮶次去咗一间荒废咗嘅老人院,喺招魂仪式后Feel到个头剧痛,爆喊话唔想再拍落去。”KB形容蕊蕊好渣:“佢喊到崩溃,第一次有嘉宾咁激动要腰斩个节目,其实我好正气,又冇害过人就唔使担心,我觉得鬼唔恐怖,人先至最恐怖。”