*

upload_article_image

喱士西装玩透视 张敬轩指玉背白滑全靠“遮遮”早餐

好靓!

昨晚,《张敬轩 X 香港民乐团盛乐》进入第二场,圈中好友如冯允谦、郑欣宜、Dear Jane、汤怡,李靖筠,陈家乐及容祖儿妈咪都有捧场。

件衫前面有少少喱少。

后面喱士劲好多,好Sexy。

于演唱会的第四部分,轩仔换了一件黑色新西装,前后都有喱士玩若隐若现,背部差不多全透非常性感,一出场已欢呼声四起。轩仔笑说,“成晚背脊有啲凉浸浸,哈哈。”又叫观众帮他影相留念,“正所谓衬青春留倩影,帮我影几张靓相!”引得大家哈哈大笑。

轩仔工人姐姐煮嘅粥真系劲稀。

呢位就系轩仔嘅“遮遮”。

但最抵死一定同“早餐KOL”有关,轩仔不单大爆屋企“遮遮”的由来,更以白滑背脊明寸“遮遮”,“呢一个咁嘅背脊,一粒疮都冇,就系日日食白粥同面包食番来!我直情开始食到有啲妊娠纹添!”观众又拍掌又大笑,轩仔即刻好无奈:“你话唱得咁辛苦为乜,遮遮重多掌声过我。”

虽然食早餐份量唔多,但无影响轩仔唱歌。

轩仔话自己的白滑背脊,全靠工人姐姐的粥水早餐。

多得轩仔嘅ig Post,“遮遮”家阵好红,轩仔话姐姐曾经长时间在台湾工作,识讲80%国语,一心想她照顾来港生活的父母,“我爸爸妈妈都唔识讲英文,同事叫Vincent,佢哋就叫人瘟神,所以谂住请个识国语姐姐照顾,可惜因为疫情关系,父母来港计画一再拖延,我哋已经十一个月冇见面,只能通过视像倾电话。”