*

其他文章
学生时期好清纯 乐宜好唔满意当年齐荫发型
upload_article_image

《阿爷》星马外景取消 李家鼎煮到手软幸与阿谭有火花

阿谭话厨艺了得的鼎爷，最爱竟系食饭

由李家鼎（鼎爷）和谭玉瑛（阿谭）主持的《阿爷厨房》近日来到第五辑，两位拍档本来今辑将会出埠到星马拍摄外景，但因疫情影响不能成行，只能留港拍摄，鼎爷大呻因而要煮多好多味𩠌，直言煮到手软，好彩同阿谭拍摄好有花火。阿谭向《头条新闻》大赞鼎爷能够拍极都有货，𩠌菜永冇重复，除了天份，还有他好学不倦的性格，而她更踢爆厨艺了得的鼎爷，最爱竟然是食饭。

鼎爷和阿谭合作4年，鼎爷坦承视阿谭如女儿爱锡。

鼎爷透露，原先节目计划到外地拍摄，因疫情令计划被迫取消，“主力香港拍辛苦好多，原本我哋喺新加坡再过马来西亚，可能去埋泰国，但万一有工作人员濑嘢点算呀！？同埋大环境预计唔到，不过，出去拍真系写意好多，𠵱家喺厂时间耐咗，讲多咗嘢之外，每集都要煮多个𩠌先搞得掂，真系煮到手软㗎！”

因疫情主力留厂拍摄，令鼎爷和阿谭在节目倾偈时间多了。

鼎爷觉得幸好同阿谭拍档好有火花，“做节目唔可以死咕咕，要有啲生气，所以我哋成日顶咀。”阿谭笑言这份工作是笋工，好多同事都好羡慕，“返亲工都有人见到我咁讲，因为我每次着住呢套衫，代表我又入嚟食好嘢嘛！佢哋通常话好羡慕你咁多好嘢食，仲要喺街食唔到㗎嘛！”最难得节目已拍到第五辑，但鼎爷的菜式从不重复，他解释团队有份度，“佢哋会问好似有个咁嘅𩠌，你识唔识？我就会醒起番。”阿谭补充：“同埋同一个食材，佢都会研究好多唔同整法，又会睇番人哋食完反应去改良，所以可以源源不绝。”

节目中，鼎爷和阿谭齐齐大叹新鲜靓鸡菜式。

鼎爷和阿谭去揾新鲜靓食材。

疫情下减少去人多地方拍摄，两人改到农场拍摄。

疫境下鼎爷旗下食肆生意大受影响，但早前照跟囝囝李永豪开新店。

鼎爷本来跟谭玉瑛到星马拍《阿爷厨房》第五辑外景，因疫情被迫取消，他大呻在厂拍摄煮𩠌煮到手软。

跟了鼎爷多时，阿谭承认厨艺确实有进步，“我最叻整咸鱼煎肉饼，我不嬲都好钟意食，跟佢学咗知道啲肉系要加啲水落去先至滑嘅。”阿谭食得多鼎爷手势，但暂时对方未试过她厨艺，“我整过羊架畀佢食，但佢怕羊肉嘅羶味唔肯食，同埋佢其实最钟意食饭㗎！”鼎爷就解释：“睇住人哋食我整嘅嘢已经好满足，唔使点畀𩠌我都得。”

decor

​