*

其他文章
《造星III》夺人气综艺节目 三甲感谢台前幕后
upload_article_image

ViuTV无高佬193忍痛拍《男排女将》爆肥仔坚钟意邓丽欣

真人真事改编的ViuTV新剧《男排女将》，由邓丽欣率领饰演男子排球队员的MIRROR及ERROR成员演出。肥仔(梁业)同193（郭嘉骏）不算重戏份，但都好抢戏，193是“矮仔”队中的最高一个经已好突出，而肥仔就成日搞鬼地带动气氛，令戏中众人Keep住Energy，还成日𠱁到女神邓丽欣哈哈大笑。

肥仔同193身形一高一矮，相映成趣。

饰演运动健将的193只客串6集戏，在剧中是最强的发球手，不过18年他参加《全民造星》时曾经断过手，原来到现在还未完全康复，所以肥仔觉得193属高难度演出。193说：“系呀，做动作易，但近距离镜头，观众系会见到只手冇力。”

拍煞科后即刻胆粗粗向女神“抄牌”，肥仔紧张到面红红。

193在队中高人一等，就算wide shot都突围。

肥仔好开心有份抛起Stephy，同女神有身体接触，193笑他们手仔不安份。

193曾因伤患推拍《男排女将》，所以占戏不多。

18年，193参加《全民造星》演出时曾经断过手，现在还未完全康复。

193爆队友肥仔真心钟意女神邓丽欣。

《头条新闻》再三追问下，193坦言有推过戏：“我真系有推过戏嘅，所以戏份唔多，但编剧、导演话呢个角色系为我而设，既然咁讲，只好问公司有冇帮我买保险？公司话有先去拍，后来我发现原来ViuTV冇一个高佬可以拦到网，所以咪一定要拣我囉！初头用力去拍波都痛，但都冇问题嘅，讲真打份工，一定要全力以赴，做到最好。”肥仔即搞笑和应：“啱呀！ViuTV宗旨嚟嘛！”193反问：“好似搞错咗㖞！”至于肥仔多数在场边打气，亦不时大声提醒队员：“大家快手，爽手啲！”193取笑他在大wide shot抢Fo，“得鼻屎咁细粒！”肥仔最开心可以同女神Stephy合作，拍煞科戏时还成功“抄牌”。193踢爆肥仔真心钟意Stephy，肥仔承认有偷看女神拍咀戏，心谂：“如果系我就好喇！”193说：“佢淡妆都好靓，我成日近望佢，但佢唔知，Stephy直情系拣嚟做老婆啦！跟住生埋后代，仔女一定系好靓。”

decor

​