*

upload_article_image

相隔17年再拍剧盼男友来港解相思 Stephy望能拍住拖煲《男排》

Stephy(邓丽欣)相隔17年最近再拍剧,在ViuTV新剧《男排女将》饰演男排教练“蒋家瑜”,曾是香港青年排球队队员的她,不违言因爱排球而接拍,但亦因而觉得特别有压力和期待,不过拍摄过程同一班后生仔拍摄十分愉快,还被他们搞到在拍摄现场爆笑。虽然剧集因疫情影响一度要停拍,Stephy的其他拍摄工作亦要煞停,但反而令她难得有机会同妈咪一齐煲自己作品,更坦承已有大半年没有见的男友王子(邱胜翊),有计划台湾飞来港齐齐看直播。

Stephy每次提到男友王子个样笑得特别甜。

中一时已开始迷上打排球的Stephy,曾是香港青年排球队队员,后来因入行而放弃排球梦想,但15年以领队身份组队参加排球丙组资格赛,就知她有几爱排球。不过,最初Stephy接到《男排》邀请时,一度十五十六,“当然排球呢个题材已经非常高分,另一个考虑因素,就系因为我太钟意排球,所以会对剧本嘅期待更加高,同埋我都会有担心,好怕自己咁钟意嘅一个题材,如果拍得唔好,假设个剧本唔够好,我会唔会有遗憾呢!?”

Stephy希望剧集能推广排球,令更多人跟她一样喜爱这运动。

Stephy对上一次拍港剧已是03年拍TVB的《恋爱自由式》,她直言感觉相差好远,“其实都几得意,对上一部电视剧都系运动题材,讲游水,但系𠮶阵时游水题材唔系我叻嘅嘢,而今次系自己识,比较叻嘅嘢,𠮶个感觉好唔同,同埋𠮶阵时第一年入行就拍,未识得enjoy呢件事,其实好好玩,一班后生仔女,题材又热血,见番佢哋(年青演员)好似睇番我以前咁,可能呢个世代嘅年青人比较早熟,佢哋好成熟,冇我哋𠮶阵时出道咁傻吓傻吓,好单纯乜都唔识。”

Stephy开心男友有计划来港,一解相思之苦。

开心同妈咪齐煲剧

讲到同一班年青演员合作,Stephy笑言因一时间要记大量男仔,加上比较慢热,要一段时间才能跟他们熟络,“佢哋咁多个男仔,我又要记真实个名同埋戏里面个名,真系花咗好多时间对番边个系边个,我都好明白人哋以前Cookies点样记我哋,原来几辛苦㗎!哈哈!拍咗一半佢哋开始够胆撩我,知道佢哋终于唔惊啦!笑场系正常嘅,我哋呢个戏又比较轻松,譬如我哋成日笑Edan(吕爵安)讲嘢讲得好快唔清楚,开头唔熟我都唔敢出声,后尾都开始笑佢。”提到肥仔(梁业)煞科时问她攞电话,仲将过程拍片放上网引起好大回响,她笑言唔明只得肥仔够胆,“唔知肥仔有冇share畀佢哋,我觉得好搞笑,我其实冇乜所谓,大家拍完都系朋友,但系佢攞咗电话都冇揾过我,哈哈!”

Stephy发觉最奇怪以往见到排球会冲过去打,但拍摄时竟好自觉是演员身份,除剧情需要冇掂过个波。

跟一班年青演员合作,Stephy笑言单是记名都有排记。

肥仔将攞Stephy电话过程拍片放上网,引起不少回响。

Stephy读书时热爱打排球, 曾成为香港青年排球队队员。

Stephy最开心妈咪可以跟她一齐煲自己拍的剧。

疫情令Stephy多了私人时间,她趁机再自学弹琴。

Stephy今次更首度为剧集演唱主题曲《着地 》,还负责填词。

Stephy相隔17年再拍港剧《男排女将》,她最希望男友王子能来港齐齐煲剧。

年初拍该剧期间,撞正疫情高峰一度要停拍,Stephy都担心影响大家情绪不连剧,幸好大家都好专业,不过正因疫情Stephy工作计划都推到明年,反而因祸得福可以同妈咪一齐煲剧,“我好期待可以煲剧,尤其是我咁多年冇喺香港拍电视剧,咁多年后终于可以喺电视煲吓自己剧。(好新鲜?)对于我妈咪嚟讲都好新鲜。”讲到男友王子,Stephy话对方一定会支持,“我谂上网睇到嘅,当然可以一齐睇会好啲。(系咪安排紧来港?)都有谂紧嘅睇吓咩时间最适合。(咁耐冇见会唔会留长啲时间?)都唔系我哋话事,隔离都要成个月,要咁长时间都要睇吓工作安排。”