*

其他文章
《劲歌颁奖礼》39岁袁伟豪入行逾20年首夺乐坛新人奖
upload_article_image

爆胡鸿钧主动传短信旧史 蔡思贝叫张振朗锡锡唔使怕

蔡思贝：放开怀抱做到好多嘢

三年前，蔡思贝凭《踩过界》哨牙“癫姐”一角擸走“最喜爱女角色”成功上位，最近播出的《踩过界II》中蔡思贝仍然为王浩信默默付出，又会同张振朗上演激烈牀战。思贝有感而发，表示入行后遇到好多贵人，包括好朋友兼好拍档张振朗，又有她的演戏启蒙老师王浩信，两人互相支持，当然还有现役“好朋友”胡鸿钧。思贝仲大爆当年胡鸿钧点样主动撩佢，胡生追女仔都几Old School㖞。

保持火花 “三剑侠”王浩信、蔡思贝和张振朗喺《踩过界II》继续有火花。

今年TVB台庆剧《踩过界II》及《使徒行者3》都由蔡思贝同张振朗拍住上，两人在前者中有场饮大了而发生的牀戏，好多身体接触，男方还会锡女方棚牙，思贝对《头条日报》笑言：“振朗好怕丑会面红，我反而叫佢唔使怕，我哋互相信任可以放开怀抱做到好多嘢。”

台庆之花蔡思贝同张曦雯一样是“台庆之花”，有两部台庆剧播出。

一提张振朗，蔡思贝讲到停不到口，“我哋合作过好多套剧集，两个人嘅经历又好相同，会一齐喺演技上成长，好感恩生命中有呢个对手同朋友，特别喺低潮时，佢一直扶持我，系一种好幸福嘅事，如果拍住上夺视帝视后意义更大。”提到拍《踩过界》传过绯闻的王浩信，蔡思贝答得避忌：“浩信系‘戏痴’，当年我同振朗演技幼嫩，佢启蒙我哋多啲，所以‘三剑侠’个名系咁嚟。浩信教我哋‘究竟演戏系乜嘢一回事？’‘点样去分析剧本？’同埋‘如何做戏先入到观众心呢？”问到近来演技被赞是否跟王浩信有关？她即时否定：“唔系，系历练，喺我生命上所有经历，包括我吸收返嚟嘅所有灵感，身边前辈、拍档互相学习，绝对冇归功一个人，我好好彩，同好多前辈合作过，好似张卫健、林峯、吴启华、陈豪等，尤其同张卫健合作拍《大帅哥》令我拍烂手掌，佢嘅工作态度令我铭记于心，每日Keep住团火唔会放过每场戏。”

激烈牀战 《踩II》中，癫姐同GoGo有激烈牀戏。

大胆接触 蔡思贝拍呢场牀戏同张振朗有好多身体接触，前者话后者拍得好怕丑。

一讲即笑 “出事”后两人反应最好笑。

风雨同路 《踩II》癫姐依然系盲侠“阿四”，默默守候他身边，风雨同路。

指导演戏 三年前拍《踩过界》时，王浩信不时教蔡思贝演戏，启发她演技。

搞笑缘份 同胡鸿钧由“碰头”到交心，两人有段小故事。

深感佩服张卫健对演戏Keep住有团火，令蔡思贝相当佩服。

好姊妹团 同赖慰玲、陈嘉宝、何雁诗、陈滢、吴嘉熙好老友，六人会互相欣赏互相支持，感觉好正。

吹水互撑 演戏生涯中同张振朗合作最多，之前齐拍《机场特警》，两人靠吹水嚟顶眼瞓。

蔡思贝对张振朗及胡鸿钧都好有缘。

由被插演技到获赞赏，思贝好开心，更爆王浩信赞她演技成熟了：“佢话睇返Play Back，好多场戏都令佢感动到喊，即系我成功咗啦！”问到俾老师赞系咪好开心？她即更正：“我从来唔会叫佢做老师㖞，佢纯粹启发我演戏，唔好将佢放大啦，佢唔系老我好多啫。”最后讲到“好朋友”胡鸿钧，“我哋系我初担女一嘅剧集《冲线》时经已合作，当时佢系演office boy。”一提“好朋友”思贝即刻好放松还笑住爆：“我拍电影《陀地驱魔人》时，收过佢message赞我做得好好，因为呢样嘢我特别记得，我哋纯粹系《冲线》碰过头，点解佢无啦啦短信我？跟住开始有合作，我哋系倾得埋嘅好朋友，佢好支持我，喺唱歌方面我都会问佢意见，佢会教我分析歌词。”再问两人关系，思贝答得熟练，“好朋友囉。”

decor

​