*

upload_article_image

遵守亡夫遗言继续做直播 肥妈:老公成日返嚟“揾”我 

肥妈坦言好挂住老公!

资料图片

肥妈老公Rick月头因癌病离世,经过一段时间沉淀后,肥妈终于走出丧夫阴霾,生活回复正轨。作为肥妈铁粉之一的老公,由于“临行”前曾叮嘱肥妈一定要继续做煮食节目直播,所以肥妈处理好亡夫嘅身后事后,昨晚(29日)马上复工做Easy Cook直播,跟fans互动教煮蒜蓉牛油焗龙虾尾车厘茄及做姜饼人。

Rick生前最钟意睇肥妈做live,系铁粉之一。

身穿湖水蓝配橙色围裙的肥妈化了靓妆,精神奕奕,心情大靓,一开始就同网民打招呼say Hi,而且不时喺节目中大笑,仲兴之所至,开埋腔高唱励志歌《个个都做得到》及开心歌《Beautiful Sunday》,网民不时留言叫她加油,大赞她好坚强,唱得非常动听。

喺节目度妈妈笑晒口,仲开金口唱歌。

节目中肥妈不忘多谢网民打气,还自爆老公多次返来“见”她,所以不觉老公已经离开,“我依家好开心,Easy Cook做得咁成功要掌声鼓励。喺呢段时间多谢所有fans关心我,大家一齐集气令我个人都好容易应付到每一件事,帮到我好多。我先生走得好安祥,佢离开𠮶朝,一早喺窗口见到白鹤,我心谂‘唔系海边先有白鹤咩?’食完早餐佢因为透唔到气就送咗入院,佢喺医院同个细仔视像完,又同最锡嘅孙女讲完电话,之后话见到好多angel(天使),半日之内就走咗,真系好修得到。”

肥妈坦言丧夫初期真系好辛苦。

虽然肥妈仲好挂住老公,但坚信永远活喺她心中。

肥妈续言:“我当然好挂住我老公啦!我日日同佢倾偈,冇当佢唔喺度。我老公都好挂住我,佢成日返嚟揾我,系真㗎!唔系导人迷信呀!我听人讲,有摆佢生前最钟意食嘅嘢喺屋企,佢好钟意食搽咗牛油及果酱嘅黄糖提子包及饭,佢好曳,返嚟咬咗一大嚿面包,而‘三七’时,佢明显食晒筷子隔离啲饭,筷子上仲黐住两粒饭喺度,面包都有咬过,但唔系畀老鼠食,因为枱面啲嘢冇凌乱,蛋糕依然喺度。而每晚凌晨三点几,屋企六只狗狗会向住佢书房吠同摆尾。今晚开live,都有只飞蛾伏喺门口,前几日我个仔喺西贡住所都见有飞蛾伏咗一晚唔肯走。”

肥妈自爆家中六只小狗,晚晚凌晨三点几,会向住亡夫书房吠同摆尾。

肥妈坦言老公离逝初期真系好辛苦,但现在想通了,“佢临走前好似预知咁,喺厕所加建扶手,最初以为佢为自己而设,点知我呢两日真系整亲脚,要扶住先去到厕所,佢好似仲喺我身边咁,永远活喺我心中,只要心中有佢,佢永远就喺你身边,永远喺度陪紧你,所以唔使惊。”

肥妈搞完老公身后事都安心晒。

肥妈之前复工录影TVB《疫境厨神》节目。

肥妈生活回复正轨,日前亲自落菜园种菜。

肥妈对住镜头跟亡夫说:“老公!我有做呀(直播)我做嘅嘢做晒喇!”目前两个仔搬返肥妈家住,细佬又成日嚟陪她,给她有强烈家庭感觉,肥妈有感而发说:“依家疫情好紧张,希望大家都多啲留喺屋企食饭,多啲同家人聚吓,原来一世人流流长,其实只系得几十年,几十年有几长呀?家人喺身边一定要珍惜。”