*

《心灵毒鸡汤 - 知命‧识命》

BF229992-287A-49E5-B367-F6C991206DA5

作者:小魔

话说,之前有师兄都讲啲心灵野,小妹又讲下啦。

2020年又差唔多到尾声,我相信好多港都人觉得今年系最难挨既一年。小妹学习八字卜卦,主要系帮自己 (其他人有问题既朋友,师傅非常欢迎预约)。

又学八字,又玩塔罗,我睇呢个世界都睇得几化,或者咁讲,比较容易换个角度去睇件事。

今年为庚子年,好多人都话之前啲庚子年,都发生啲唔系咁好既事,1840年鸦片战争爆发,1900年八国联军之役,1960年三年大饥荒时期。小妹我金水为用,咁庚子年应该对我好大帮助,系可以大展拳脚,好好发展。

咁2019年年尾小妹入手咗间party room,做下小老板。眼见每个weekend啲party room都爆场book唔到,心谂今次赚大钱啦! 点知2020年就遇上COVID 19,好景不常party room又首当其冲迫住关门。白交租到今年4月卖盘。

有啲人会觉得,我蚀咗4个月租金呀,赚唔返个本。换个角度去睇,呢个时势,仲有人愿意接手我本生意,虽然系平卖,至少往后我唔需要白交租,其实都帮咗我㖞。

算八字以妻财子禄为先,好多人一听到破财就心都离一离。破财唔一定系伤心野既。食好西又系破财,去豪华旅行团又系破财,买个Hermes又系破财,使得开心就得啦!

小妹刚好系爆紧第四波疫情下打呢篇文章,眼见确诊数字日日有升无跌,希望各位兔芦既读者,身体健康,面对疫情日日都开开心心。

香港兔芦术数学会

** 博客文章文责自负,不代表本公司立场 **