*

upload_article_image

闪嫁全因社运遇催泪烟被拖实 庄韵澄赞破产老公靠得住

Xenia大赞老公有责任心,虽然破咗产,但每月仍有畀家用她。

曾经因为前度张致恒多次偷食,Hurt到几乎想跳楼的庄韵澄(Xenia,前名庄端儿),于上月12日闪嫁拍拖仅两个月嘅经理人吕成忠(Joe),变身幸福人妻。对于老公被踢爆欠债累累兼已破产,Xenia力撑老公靠得住:“佢叫我放心,承诺等佢处理好之后,会好好照顾我,我信佢会翻到身。”

双喜临门 Dry足四年终于揾到真爱,庄韵澄一提老公即笑。佢亦希望出年年尾补摆婚宴,到时搞埋百日宴,讲到咁白,咁大家明白未?

庄韵澄改名后,真的好运齐来,Dry足四年终于揾到真爱,换上deep V喷血晚装的Xenia接受《头条日报》访问时感受特别深:“喺工作上合作咗年几,直至今年4月佢先对我表白,9月开始发展。”Xenia表示她一路拖,并用工作繁忙而推搪3次,“为咗想睇清楚呢个人,每次都话迟啲先啦,难得阿Joe每次都肯耐心等候。”

人妻庄韵澄晒半球性感迷人,笑说老公朝朝起身见到佢应该好开心、好幸福。

观察期间,Xenia会表露自己最差一面,如发脾气,会好野蛮及不化妆,但因为对方一次表现令她好感动,即时心软,“发生喺去年社运其间,佢真系好紧张我,觉得一个女仔喺出面做嘢会好危险,成日话‘不如我嚟车你啦!就算喺条街有乜事,都系喺我架车啫,唔系你架车。’有次街头真系遇上催泪弹,佢紧张到捉住我,好惊我会有乜意外,同平时认识嘅佢好唔同。”

因为要专心跟黄秋生做《大师班》,庄韵澄曾推搪同吕成忠拍拖。

为咗主持《Show肌》,庄韵澄再叫阿Joe耐心等吓。

Xenia强调当时和对方并不是太熟,只是曾一起工作,关系暧暧昧昧,“所以当时心谂‘真系咁紧张咩?呢个男仔几有责任感㖞!至少有事时唔会掉低你走咗去先!’以前真系遇过呢类人,原来身边有一个好惊你会受伤嘅人真系好有安全感,都想同呢个人拍拖囉,而且佢唔会口花花,个人好闷好内歛,咁就唔担心会出轨。”

32E、24、35嘅庄韵澄身材冇得输,佢最担心将来做妈咪时谷奶会好辛苦。

庄韵澄唔介意老公吕成忠破咗产,相信他几年后会翻到身。

对于老公被爆破产,Xenia直认一早知,“合作时都知道佢破产,为乜破产就不便提,但我同老公财政独立,佢还钱系佢嘅事,我系唔会帮佢还嘅,但佢嘅钱系我嘅钱,我嘅钱系我嘅钱,所以佢好惨㗎,啲钱全部落晒我袋,同埋佢喺呢个环境,每个月都有畀家用我,系个负责任嘅男人,到现时为止喺财政上我都未操心过。”

当日同张致恒爱得痴缠,一度蒙蔽了双眼,原谅男友多次偷食。

同张致恒拍咗近4年拖,一度想开花结果,仲拣埋婚纱。

同张致恒啱啱分手时,Xenia压力大到胃痛,原来胆石引致胆发炎,要入院做手术。

庄韵澄喺节目《吃掉前男友》中爆喊,指喺记者口中得知前度多次出轨,饱受情伤。

张致恒同雯雯奉子成婚后,目前系两子之父。

至于前度张致恒老婆雯雯反撃Xenia数他老公,不满的表示:“唔使提醒我老公系一个咩人!”Xenia笑言:“有啲嘢发生咗就发生咗,佢哋开心咪得囉,我谂佢哋相处咗咁耐,唔会唔知对方系咩人,当然佢好爱老公先至会咁讲啦,比着我都会咁做。”