*

upload_article_image

《My only one》甜蜜面世 郑中基推开心歌为找数俾歌迷

首歌真系好sweet啊~

郑中基(Ronald)凭ViuTV剧集《暖男爸爸》主题曲的《My only one》打入叱咤最受欢迎男歌手5强,Ronald直言好开心新歌受大家欢迎,并多谢fans的支持。

观看相关影片按以下画面:

由西班牙歌曲改编而成的《My only one》 , 歌词以爱为题,Ronald表示:“首歌描述嘅爱 ,系多方面的爱;唔同时间、遭遇、经历、困难,如歌词所言,就算好似斋啡咁苦只要系你爱嘅人俾你饮,会觉得好甜!同埋所指嘅爱人可以系好朋友、家人,最紧要系你发掘到你爱同爱自己嘅人!”

郑中基

Ronald的惨情歌深入歌迷的心,如此sweet的歌,他也觉得是很少有,“我想唱一啲开心嘅歌,当听到呢首原曲时,监制觉得系我比较少唱嘅曲风,而听完大家都好钟意,所以就改编咗呢首歌;录〈My only one〉时,系谂住一啲好sweet 既画面,庆幸首歌嘅歌词,已经好容易带动到情绪!无可奈何我把声唱歌俾人感觉好似好惨,所以首歌录左两次⋯⋯监制觉得头一段都系需要再放重Sweet 嘅感觉,加上大家咁耐冇听过我嘅新歌,再录𠮶时特别注重唱腔、尾音、咬字,点都要唱到岩feel 为止!”

郑中基

郑中基

原意想出新专辑时,才一次过将几首新歌送俾大家,但遇上《暖男爸爸》需要一首sweet的主题曲,大家一拍即合,而紧接住,Ronald透露还在录新歌,“手头上处理紧嘅呢首叫《玩咗先至瞓》都系开心歌!至于点解有呢个概念,就要问填词人陈少琪,哈哈!可能系佢听完呢首歌觉得应该系要咁⋯⋯又或者系觉得大家都抑压咗好耐,需要时间放松,就填咗呢只歌嘅歌词。”

《暖男爸爸》剧照

问到为何想唱开心歌,Ronald自爆今次先推两首开心歌原因是找数,“之前曾经应承过歌迷我会唱开心歌俾大家听,因为好多歌迷都话我啲歌太惨,次次都系失恋先至去唱K唱;但热恋嘅时候就冇乜个可以比佢哋唱,所以唱开心歌其中一个原因系找数!不过接住其实都有一首惨情歌会制作,亦会有电影主题曲,都系惨惨地⋯⋯所以今次就先带两首开心歌俾大家听 ,先甜后苦啦!”