*

upload_article_image

“翻版石原”Christine被二汶踢走 巴打话罢睇《造星III》

Christine话绝不放弃歌手梦

ViuTV选秀真人骚《全民造星III》正播得如火如荼,首轮分组对决于上周结束,深得男工作人员及巴打欢心、有“港版石原聪美”之称的44吋长腿郑嘉欣(Christine)被导师二汶Foul出局,惹来全城哀号,支持者在讨论区表达不满,声言罢睇,甚至烧at17啲碟!事后Christine爆喊嗌不舍,她接受《头条日报》访问时表示绝不就此放弃歌手梦:“公司有同我倾,可能会出歌,而家都多咗好多广告。”

27岁的Christine是太阳娱乐旗下艺人,她透露正跟公司洽谈出歌事宜。

样靓身材正的Christine表示会努力增值自己,洗脱“花瓶”形象。

Christine于上周播出的《造星III》终被导师二汶Foul出局,惹来全城哀号!

被酸民嘲哨牙的Christine直言不敢看节目中的访问片,皆因一直想箍牙的她都觉得肉酸。

Christine觉得监制、导师们较喜欢男仔,但后段也开始对女参赛者改观,故不存在偏心情况。

《全民造星III》自开播以来掀起不少话题,上周40强揭盅后,好多网民都戥被Foul出局的参赛者唔抵,当中巴打们最不舍的是身高178cm的“港版石原聪美”郑嘉欣!有粉丝在讨论区留言称嬲到“差啲掉烂部电视”,又扬言罢睇《造星III》,甚至传有男工作人员冲入房向监制花姐(黄慧君)求情,对此Christine表示:“多谢网民戥我唔抵,但我觉得导师有自己嘅考量,留得低嘅队员都一定有佢哋过人之处,希望佢哋加油,我都会加油!”

不少巴打戥被淘汰的Christine唔抵。

有人表示从此罢睇《造星III》。

由细热爱唱歌的Christine钟意唱K,仲成日抢咪,又会喺浴室唱一、两个钟。

虽然获安排入“杂牌军组”,但Christine指留低的队员都好好,很不舍一齐拼博的队友。

至于比赛中输啲乜?模特儿出身的Christine坦认缺乏自信,以致未能展现出自己的独特性。谈到10多年后重拾跳舞,要短时间内赶上大家的进度,Christine亦倍感压力而数度爆喊,幸得战友们指导,“Alan、陈苇璇都系出道好耐嘅歌手,喺佢哋身上吸收到好多唔同嘅经验,参加比赛最紧要挑战同超越自己,去到呢个阶段已经当自己赢咗,无论心态、技能都提升好多。”由细梦想当歌手的她又谓势必踩入乐坛,“我一定唔会放弃,呢个梦想已经坚持咗好耐,完咗比赛反而先系啱啱开始。”

小学6年班已超过1.6米的Christine自爆18岁先拍拖,初恋男友矮自己半个头,目前单身的她盼觅得差不多高的对象。

Christine表示睇好大热的ANSONBEAN(左)、Manson(右二)和Cloud杀入3甲!

Christine早前于处女作《把砒霜留给自己》之单元《水底三十尺》中,饰演金融界OL兼小肥女友。

石原聪美

Christine拥有44吋长腿,引死唔少宅男。

Christine获网民封为“港版石原聪美”。

对于被恨批是“花瓶”,Christine坦言外界对靓的既定印象是“乜都唔识、唔使点做”,但自己好畀心机去洗脱这个印象,亦一直有跟老师学唱歌。不过,当问到拣样靓身材正定跳唱了得?她还是搞笑称:“样靓身材正,因为唱歌跳舞可以靠后天!”所谓树大招风,有人欢喜的同时亦有Haters,提到石原粉丝轰她有辱女神兼哨牙,Christine自问不似神级的石原,也不敢跟对方比较,“睇到评论都系闹嘅,有少少唔开心,但做得公众人物就一定有好多唔同声音,我会接受,可能某啲角度有少少哨牙,希望大家快啲睇到我真人啦,真人好啲,哈哈。”