*

upload_article_image

杨思琦事业心重想再出写真 新歌获老公劲赞

思琦话老公无诈型

现年42岁的杨思琦一直独力抚养女儿杨卓颖,至去年自爆已于年中在美国秘嫁拍拖半年的圈外男友,两人的爱情结晶品亦于今年2月出世!即使已为两子之母,思琦在事业上仍有一团火,早前更为香港开电视的外购日剧《夏空》唱主题曲,“神秘老公”听过都赞Good,她又对《头条新闻》直言想再出写真,难道不怕老公诈型?思琦说:“上次都冇介意,仲赞,我哋底线差唔多。”

相隔8年再做妈妈,思琦坦言体力大不如前,凑仔好攰。

思琦盼回复Fit爆身形后,再出性感写真留倩影。

思琦表示性感底线同老公差不多,即使再出写真都不怕老公诈型。

务求交出好作品,思琦今次特意找唱歌老师“补钟”,更一改以往唱法,用中音演绎新曲《仲夏阳光》,连老公都开金口赞,“佢听完个Rough版本,话同以前有啲唔同,以往我音频比较高,今次用唔同声线演绎好舒服、好有新鲜感,佢真系冇试过赞好听、好得,所以我都好开心。(平时唔赞?)比较吝啬赞人囉,希望佢以后自动自觉啦。”除了看过其参演的剧集,思琦老公也欣赏过她前年推出的处女写真集《Miss Szeki 2018》,她续笑道:“佢喺重要时机都会赞。(打算再岀写真?)要努力Keep番个线条先,我都好想影,趁青春系要留呢啲靓相,将来畀仔女睇。”

思琦指细仔未识行已识爬沙发,好活泼。

思琦为香港开电视的外购日剧《夏空》唱主题曲《仲夏阳光》。

思琦赞大女好帮得手,经常唱歌、讲故仔𠱁细佬。

思琦称至今仍未回到昔日磅数,但老公却觉得身形理想。

谈到生完第二胎最难是修身,至今距离目标尚欠7、8磅,思琦大呻:“好似俾人拉横咗,要胀爆咁,但囝囝咁可爱系值得嘅!”提起约10个月大的细仔Kody,自言犹如“新手妈”的她即冧指囝囝实净有力,仲好活泼周围爬,劲得意,“疫情下多咗同仔女相处嘅时间,系一个好机会去捕捉一啲重要Moment,我日日都同囝囝影好多相,饮奶、瞓觉、自拍,咩都影。(追多个?)唔好喇,个身会爆炸,最重要冇咁多精力。(老公有帮手凑?)都有,但玩多,有喂吓奶。”至于何时公开丈夫身份?她称待对方Ready先,不久将来吧!