*

《话说密法不外传 世人贪婪迷信邪》中集

03FC17EA-F8FC-4D97-A134-67AF3DC2D933

“师傅,咁而家对砂槌仲响Y记果度?”师傅笑得劲衰咁话:“响佢度!攞番黎做乜。我同佢讲冇乜事嘅,系一啲比较低级嘅神灵搞鬼,对佢冇生命危险。”果然系灵界急症室,冇生命危险即刻弹佢番屋企休息。

咦?咁则系冇理Y记?我心谂:几低级都系鬼吖大佬!如果我系Y记,一定惊到晚晚唔敢闩灯训教。事实师傅唔系唔想理佢,原来师傅答应左城中某麻烦富豪,要立即去佢屋企捉鬼,系立即。三个钟头之后,师傅好劳气咁番黎法坛,口嗡嗡咁闹“正一变态!”但佢个表情系响度笑紧,睇到我R晒头。

阿赞师兄话:“个癫佬又话有鬼牙?”“唔好话佢癫佬呀,小心佢揾律师告你诽谤呀。”果位富豪,有着严重精神病级别的强迫症,但佢的确系法坛嘅大客,只好硬住拳头招呼佢。

“佢话有鬼,咪上去帮佢写符囉,点知上到去,佢又话呢度门唔开得、果度门唔开得,点帮佢封屋呀?”咁点算?人地比左钱都要搅掂先走得架。“佢一路吊住尾,觉得我个身有菌咁,我一路行,个宾妹就跟响后面一路抺,都唔知佢老婆点顶得佢顺。”

做有钱佬做到咁辛苦,真系嘥晒。“好彩佢遇到我地师傅咋,比着佢响出面,实比人呃到一栋都冇。”

某啲唔正当嘅宗教行为,系利用人类对未来嘅害怕,再用言语增强佢地嘅心魔,令佢地惊到七魄唔见三魂,从而取得佢地最重要嘅野,系福气!

钱、名誉、地位、爱情、亲情,冇一样野可以同福气相比,只有福气,先会令人开心。

上回都话过,只要法师带一丝邪念,无论佢操纵嘅鬼神有几低级,只要令对方心魔膨胀,佢都可以轻易取得对方福气,令到自己越嚟越好。

师傅番黎咁耐,个电话冇停过响。“8点都仲打黎。哈哈哈哈哈!”“快啲接啦,人地死人冧楼呀。”玲姐话师傅实在太衰,唔应该玩Y记。“等Y记知惊,以后仲敢唔敢乱咁收人野。”师傅讲未讲完,已一手擸走车匙。

-未完待续-

香港兔芦术数学会

** 博客文章文责自负,不代表本公司立场 **