*

upload_article_image

感激男友Tank做阿四支持 《造星III》方方望情侣档拍真人骚

舞蹈员出身的方方亦希望能习惯做主角。

方方(方芷欣)参加《全民造星III》虽然十强止步,但全程表现落力,最后演出《666》绝对令人眼前一亮,她坦言多得有过两届《造星》经验的男友Tank(梁德忠)做埋阿四贴身支持。不过舞蹈员出身的方方坦承还未惯做主角,未来会努力学习适应,更想跟Tank情侣档拍真人骚。而努力走演员路的Tank,除在ViuTV新剧《太平纹身店》演出外,正筹备开网台,连幕后都捞埋。

方方话依然好享受做舞蹈员,就算会参与其他幕前工作仍不会放弃。

方方在争入十强的演出《666》时,获得评判和观众一致激赞,她认为已对自己有交待,输给Kimman(黄剑文)好合理。不过,外界会奇怪她竟然不找Tank伴舞,他们解释除因时间太赶,找排舞师做拍档最安全,方方还透露内情,“我同佢跳会投入唔到,我望住佢谂唔到家暴好惨。(Tank:冇𠮶个画面)入唔到戏呀!”

方方好感激参赛以来Tank的付出,“我𠮶排真系当佢透明㗎!”

难怪方方有此想法,因Tank除了极力鼓励她参赛攞经验外,更全程充当专属阿四,执屋、洗衫、接送,最重要还有心理辅导,“佢系好好嘅伴、聆听者、分析员,我当中有啲低落情绪,佢好了解我哋发生紧咩事,调番转佢当时比赛嘅时候,我唔系好明白佢,但系佢身为一个过来人去睇我,陪伴我嘅时候,佢可以做到好多舒解我压力嘅嘢。”Tank说:“帮佢打多几支强心针,我做到系咁多。”

去年《造星II》总决赛,Tank邀请方方伴舞,方方坦承若打入十强会照办煮碗请Tank帮手,现打算拍片圆梦。

方方虽然输给Kimman十强止步,依然出任对方总决赛表演嘉宾。

讲到未来发展,方方坦承还未学识做主角,“我唔惯做主角,调整冇咁快,反而完咗比赛可以思考嘅一个地方。跳舞之外,都想试吓剧集或者舞台剧,唱歌要再学多啲,会扩濶自己表演嘅能力。”她更想跟Tank一齐拍真人骚,“我好钟意情侣去历险𠮶啲,如果我同佢一齐去玩应该几开心。(Tank:观众应该会见唔到我哋sweet,会打交!)”

方方参赛另一收获是重遇导师彭秀慧,以及结识到一班“B3”的组员。

至于Tank除了努力学戏,最近还捞埋幕后,“同幕前幕后嘅朋友一齐搞紧个Channel,最想拍属于我哋嘅剧集同综艺,似一个免费嘅电视台摆上网,系个好大project,自己都会做埋幕后,学紧剪片。会邀请佢(方方)做嘉宾,佢好适合综艺,了解多啲其实佢好低能。”

Tank在《太平纹身店》演古惑仔头目“龙吐珠”,跟黄德斌有不少对手戏。