*

upload_article_image

同周秀娜合作有惊喜 黄德斌自谦要向“儿子”姜涛学习

德斌早前首度与ViuTV合作剧集《太平纹身店》。

刚获ViuTV邀请拍摄港版《大叔的爱》的黄德斌,之前已首度与ViuTV合作剧集《太平纹身店》,饰演曾经叱吒江湖的街主“叶盖天”,有型的斑白头发配满脸胡须造型,但原来有苦自己知。由于该剧在疫情下拍摄,令进度大受影响,不过德斌开心跟全新班底合作,笑言似青春剧一样有活力,更大赞跟女神周秀娜合作有惊喜,还笑指要向演其囝囝的姜涛好好学习。

德斌已离开TVB近3年,好适应外面的工作环境。

首度跟ViuTV合作,德斌感觉似拍电影,休息时间更加充足,“系会好好多嘅,演员都系需要有时间去休息嘅,要去恢复个状态先会好啲。”虽然今次角色比较沉重,但德斌觉得拍摄过程相当愉快,“因为有新鲜感,个个都系未合作过,基本上系同一班年青人去拍剧,我感觉好似一套青春剧咁,我仲可以拍青春剧㖞!?系咪有回春嘅效果?梗系有啦,系啲年青人身上都有嘢学㗎嘛!”

德斌为饰演的太平街街主“叶盖天”,要黐满一面胡须。

讲到最年青,肯定是饰演德斌囝囝的姜涛,他更笑言要向这位新偶像学习,“佢OK嘅,犀利嘅,佢成为新偶像都唔系一朝一日嘅,佢都OK乖,我又唔觉得佢怯我㖞!反而系我怯,佢一嚟就有几十人跟住我都未试过,哗!好耐都冇试过咁嘅情况啦!偶像!偶像!真系要跟佢学嘢,佢啲粉丝仲畀嘢我饮,梗系啦!佢哋惊我恰佢呀嘛,哈哈哈!第一次有咁大个仔感觉梗系正啦,哗!万人迷㖞!一生出来就做偶像你话几好,唔使烦,几多人照顾佢先得㗎!”

德斌剧中与姜涛演两父子,他笑言要向对方学习做偶像。

至于跟周秀娜合作,德斌亦赞不绝口,“女神即系女神,佢几爽直嘅,佢唔系话要成日补妆𠮶啲,有少少男仔头𠻹!佢唔使话等佢又要整呢样整𠮶样,好快可以埋位做嘢。”

德斌很欣赏娜姐的爽直性格,跟对方合作感觉舒服。

不过,今次拍摄亦有令德斌受了不少皮肉苦,就是满面胡须的造型,“日日都要黐,又要落妆,每日黐住10几个钟,啲胶水甩又要成日补,搞到食饭都唔想食咁滞,但系个效果出嚟OK嘅,我都唔知几想有(咁多胡)呀!我恨咗咁多年,终于畀我恨到啦!”

德斌与姜涛剧中有不少感情戏,还会生离死别。

德斌近年跟发哥学跑山后迷上,靠这运动长期维持住150多磅。