*

其他文章
炎夏孭70磅装备 刘青云现身湾仔拆弹拆到大汗叠细汗
upload_article_image

疫下被迫转做网红自救 “最索丫鬟”陈婉婷无后悔离开TVB

Hebe表示因为想试多啲唔同嘅嘢。

因为黄心颖，TVB剧集《坚离地爱坚离地》存仓三年先可以重见天日。剧中饰演女仆，入行十年，身高5呎3吋，腿长38吋，有“最索丫鬟”之称的陈婉婷（Hebe）获网民赞可爱，不过观众暂时都不会再在TVB见到她，事关她在19年已离巢外闯，“离开都系想出去闯吓，唔想再做妹仔、姣精、宫女、婢女等花瓶！”因为疫情严重影响收入，Hebe被迫做网红靠直播自救，但她说从没有后悔离开TVB。

疫情下好多广告Job唔系取消就延期，Hebe收入大减，生活好艰难。

Hebe三围32B、25、34，穿上泳衣都好有睇头。

陈婉婷在《坚离地爱坚离地》演网红Carman，并以女仆装示人，有场戏指导黄心颖点样去摆甫士再发嗲功电男人，但戏中的心颖搞唔掂：“《宫心计2深宫计》后第二次同黄心颖合作，好彩佢哋都好信任我，知我做咗好多功课，为咗演好女仆角色，我真系有去女仆Cafe帮衬，学佢哋每次放低食物都会唸魔法咒语，见到客人又会用日文讲‘主人’、‘欢迎主人返嚟’等。”Hebe眼中，黄心颖为人爽朗，好Nice，容易同人混熟：“因为同场全部都系女仔，所以唔觉佢好嗲。”

陈婉婷于15年剧集《刀下留人》中饰演邵美琪侍婢而开始受关注。

Hebe同黄心颖合作咗两次，觉得心颖性格爽朗，好易同人混熟。

病住出浴 陈婉婷喺《宫心计2深宫计》中饰演“女史”一角，当时佢系抱病演出出浴镜头。

陈婉婷(左)跟《爱．回家》叶蒨文(右)喺剧集《坚离地》中穿上女仆装，较形象插水嘅黄心颖更被关注。

Hebe没了TVB做靠山，疫情初期收入大受影响，被迫转投直播行列自救：“收入全靠观众打赏，我好‘孤寒’唔会性感现身，又唔会当佢哋系‘水鱼’系咁揿礼物，而系透过直播交流，观众发觉我真系好钟意做戏，好想帮我维持生活，实现梦想。”

疫情下被迫转投直播行列自救，月赚微薄收入只够维持生活基本开支。

虽然有知名度，但Hebe坦言艺人做直播难过素人，“除咗有‘说话’听，好多观众觉得艺人咁巴闭唔使送礼物啦，最初由零晨12点开到朝早9点，通宵直播都冇人睇。试过有网友要求我除衫，或者闹我系丑样阿婶，甚至有个控制狂，送完礼物要求我做直播陪到佢瞓著为止，同埋唱一啲我唔识唱嘅歌，当我踢走佢之后，佢再开新帐户入嚟投诉我，开直播攰到燥燥哋，畀人咁闹真心嬲。”

陈婉婷细细粒，有样有身材，有唔少男Fans追捧㗎。

陈婉婷自爆月入有万几蚊已经好多，悭住用都可以维持到基本生活开支，最差时连一千蚊都冇：“本身想搬出嚟独居都要挞订，不过，我又冇后悔当初离开舒适圈，因为我想试多啲唔同嘅嘢。依系自由身，同ViuTV以部头形式合作，农历新年会播出真人Show《家务战场》。另外，排紧期上映嘅电影《黑水界》首当女主角，片中有突破性演出，系挑战全祼冲凉戏，不过，镜头前只见侧身，基本上乜都睇唔到，最吸引反而系个角色好阴沉，有好多内心戏发挥，我怕做唔到，拍摄前个几月都唔接job，匿喺屋企入戏。”

离开TVB后，陈婉婷同ViuTV以部头形式合作，之前同余香凝齐拍剧集《地产仔》。

跟李日朗、张松枝合拍新片《黑水界》，首当女一嘅Hebe仲会挑战全祼演出。

decor

​