*

upload_article_image

唐紫睿耳仔有隐性病 三个钟头手术重建耳膜听骨

最紧要身体健康。

网上图片

曾参加ViuTV真人骚《G-1格斗会》的唐紫睿(Hazel)最近要入院做手术,不少好友都留言表示担心,原来她是为了切除耳中隐性病要动刀,最近就于社交网报平安。

IG图片

Hazel于社交网留言表示:“报个平安,Mission completed﹗乳突切除术+耳膜听骨重建,个手术做咗3个钟,由发病(耳仔流水)到揾专科医生做手术3个礼拜搞掂。原来中耳里面有个计时炸弹自己唔知,隐性病好彩系发现得早,本来唔太想po张相吓人,但想勉励一下打紧逆境波嘅朋友仔(包括我自己)。痛苦,疾病与折磨也是人生必经之路,生老病死也只是过程而不是终点~ 遇到要打大佬嘅时候就要勇敢面对,要比平时坚强精灵一百倍(我只系喊咗一次咁多)。打咁多字有d头晕,我要做个乖少少嘅病人。bye..... 你哋嘅打气我收到晒﹗”

网上图片

抖完一晚之后,Hazel再于社交网分享片段,见到她精神不俗:“今朝瞓到完全死猪一样,姑娘各种清洁、量血压,我都系无反应继续瞓任人鱼肉,直至我嘅主诊医生好似白衣天使咁喺阳光底下出现我先肯起身~找个温柔帅气可靠的医生对病情一定有帮助(呷醋男友慎入)。今日可以落床,有胃口食早餐。姑娘喺后面写住‘禁右耳探热’系咪搅gag。”

IG图片