*

upload_article_image

【励志故事】入行首5年承受极大反对声音 蒋家旻:想帮家人争一口气

默默耕耘13年,见证著家旻演技进步,继续加油!

《万千星辉颁奖典礼2020》各大奖项揭盅,“飞跃进步女艺员”奖项由蒋家旻夺得。现年31岁的蒋家旻入行13年,参演过多部为人熟悉的剧集,得奖一刻感慨万分。

本网记者摄

蒋家旻坦言得奖后一星期心情有莫名的冷静。“以为当晚瞓唔著,要过一晚先兴奋,点知我无太过兴奋,好平常心,但内心系好开心,因为好多人send短信祝福我,令我好感动,包括以前跳舞同学、中学老师、甚至系TVB幕后人员都向我祝福,我都知道当晚家人喊得好劲。不过,得奖后嘅情绪同我预期唔一样,我以为我会好感性,我觉得自己反应有少少delay同奇怪。”

网上图片

网上图片

默默耕耘13年,蒋家旻终于以奖项回报至亲多年支持和爱护。“我知佢哋有睇直播,当我得奖后已经收到佢哋嘅讯息,佢哋对我信心都好大,但系因为太大信心令我有压力,万一个奖唔系我拎我惊令大家失望,去到第二日我先知佢哋喊得好厉害,但无同我讲。所以对我嚟讲,开心同感动,以及好似帮屋企人争番一口气,有个好实在嘅成绩表交到佢哋手上。”

网上图片

回望过去辛酸,踏上荆棘满途的演艺路全凭一颗坚定的心。“我谂坚持呢样嘢都好靠我自己,屋企人当初系有啲反对,因为我系独生女,有好多事会好担心,好希望我揾一份稳定工作,奈何娱乐圈工作就系唔稳定,咁我浮动得比较大,好想到一点成绩,但又好被动去等待,直到遇到‘马子妮’之后,佢哋就觉得条路会行得舒服啲,但又好似有少少停滞不前,直到去到‘水姐’变成我嘅转捩点,屋企人无论我戏份多与少都会去睇,都好渴望在荧光幕见到我演出时间多啲。”

网上图片

蒋家旻透露自小学5年级起学习芭蕾舞,曾立志想做一位舞蹈员,直至中一参加戏剧学会,发觉喜欢演戏多于跳舞,才决心毕业后参加TVBeople招募。“最初入行头5年反对嘅声音好大,因为未有监制认识、做嘅角色唔多、发挥空间唔多,所以我自己情绪都系高低起伏,好似有希望但又突然失望,最后都系靠自己嘅热爱去坚持,一签就签咗13年,而演员呢份工作系我第一份工。”

本网记者摄

对于第一次演艺上的满足感,蒋家旻马上想到是参演10年前的神剧《天与地》。“我当时饰演少女版呀佘,因为我无谂过有咁大回响,当时我哋有好多访问,亦都令观众留意到我哋几个年青人,当时系好有满足感。当时嘅我哋好直接去演,唔需要加任何杂质去演出。”

Hair: Jay Cheung @ Hair
Make up : Stephen Lau

场地安排: Barry工作室
场地: Kolworkshop