*

upload_article_image

《太平纹身店》同李赏演兄妹 林德信为落妆搞到成手血

Alex话谂番都惊惊!

林德信(Alex)最近跟李进及李敏的长女李赏(Faith)拍ViuTV剧《太平纹身店》,饰演两兄妹,戏外两人亦似兄妹相处,Alex话本身同胞妹都似剧中关系。剧中Alex右手有纹身特技化妆,不过他竟为落妆搞到成手血,谂番都惊惊。由于该剧全程在疫情下拍摄,他们认为拖慢进度反而令大家感情更好,而本在英国大学读法律的Faith,亦因返港避疫配合到宣传。

【头条独家】同李赏首度演兄妹 林德信为落妆搞到成手血

35岁的Alex和18岁的Faith虽然年纪差成截,但完全冇代沟合作愉快。

Alex和Faith该剧虽然是初次合作,但互相赞对方带给剧组欢乐和正能量,大家合作能够擦出火花。Alex又觉得剧中两人关系,跟自己真实生活好相似,“因为我个妹性格比起我系成熟啲,佢𠮶感觉、佢谂嘢或者style都系,可能我贪玩啲,所以我都系惯咗有个妹,但系都系当佢家姐咁样。”

Faith首部电影《逆流大叔》,便跟吴镇宇和胡定欣合作。

讲到拍摄难忘事,Alex首推为落右手的纹身特技妆搞到见红,令在旁听见的Faith都吓一吓,“我每次落个纹身都系要有好多steps,用几次落妆油抹,又要再冲凉先得,有次我好夜收工,我费事坐喺度畀佢哋落,自己捽吓捽吓,我返到屋企成手都系血㖞!因为我捽到皮都烂晒,后尾我太攰冇理,可能心急太用力,但之后我每次都系畀番佢哋落啦!”

Alex右手这个纹身虽然不及周秀娜的大,但估不到会令他见红。

该剧在19年尾开机,横跨这个疫情近一年进行拍摄,虽然令制作期延长,但两人觉得辛苦得来也有好处,Alex话:“不过都好嘅,Faith之前有讲过,可以好多时间去谂,你个角色系点样演。同埋我哋喺太平山街都好舒服,大部份时间系夜晚拍,好似成条街系我哋咁㗎!大家倾吓偈咁几开心。”

剧中Alex和Faith跟黄德斌有不少对手戏,Faith继电影《逆流大叔》再跟对方合作。

Alex因拍该剧演厨师学识煮几个𩠌,也有煮给公公品尝。

拍摄期间,Faith要边拍边返学,但因网上上堂多,所以影响不大,而之后她已到英国伦敦大学(UCL)修读法律,本来她预了剧集播出时未必能返港宣传,但当地疫情太严重造就了这次机会,“我喺11月头返咗嚟,今年9月之前都唔谂住返英国,因为真系太严重。”

去年Faith中学毕业,爹哋李进和妈咪李敏都有出席毕业礼。